Kuti twatila isambilisho lyesu “iline line” ilya lukuta caba ni Baibele, ukufuma mu Kutendeka ukushinta mu Kusokolola. Ishiwi lyesu ilya cicetekelo kuti lya sondwelwelwa mu musango uyu: Te masambilisho ya bantu kano Kristu; te malango kano icitemwiko; te mabuuku kano Baibele.

Ee! Abena Kristu bafwile bacetekela Icebo conse ica kwa Lesa; emulandu wine twila ku chalici no kubelenga ama Baibele yesu. Mulandu nshi winga cetekela iciputulwa ca Baibele icitiila Yesu afwilile pa membu shobe, elyo wasuula ifyo ulubembu lwa tendeke mwi Bala lya Eden?

Umubili wakwa Kristu teca bufi atemwa icilonganino, kabili nabu membala ubufwaikwa bwa kuti ufwile ukucetekela muli Shikulu Yesu. Wisakamana ukwishibikwa atemwa ukulembwa pe pepala no buteko bwa chalici. Cetekela fye Icebo, na Shikulu akabula ulubali pa fyashala.

Ifwe tatwaba ichalici lya cilonganino, lelo tupyungila amakana ya ma chalici kabili ne mintapendwa ya bantu ukushinguluka isonde lyonse ukupitila mukubapela ififwaikwa ku kubafwilisha ukwishiba imbila. Umulimo wesu kukoselesha abantu ukupalamina kuli Shikulu Yesu ukupitila mukulenga Imbila nsuma Yakwe yaletwa ku muntu onse pe samba lya calo.

Nga cakutila tekuti musange uwa kumibatisha mwi Shina lya kwa Shikulu Yesu Kristu, tutumineni email no ko musangwa elyo tukamitumina umulongo wa ma chalici muncende mwikala aba ku mubatisha bwino bwino. Ibukisheni, ukulingana na Baibele caliba icikankala ukubatishiwa mwi Shina lya kwa Yesu ukucila mu ma ofeshi ya Tata, Umwana, kabili na Mupashi wa Mushilo.

Shikulu Yesu atiile “Wipingula pakuti naiwe wikapingulwa.” Takwaba nangu umo umuntu uwakwata insambu sha kupingula ipusukilo. Yesu na kabili atiile, “Uyo onse uwacetekela Kabili no kubatishiwa akapusuka; lelo uyo uushi cetekele akasekwa.” Eico temulandu nangu niwe Katolika, Baptist, atemwa Pentecostal; nga cakuti wacetekela muli Shikulu Yesu Kristu lyena ukapusuka.

Voice Of God Recordings, Inc. bupyungishi ububombela ifilonganino fyonse ubwaipelesha mukutwala Imbila nsuma ya kwa Shikulu Yesu Kristu pa ntanshi. Intulo ya fyonse ifya mbila tusabankanya ifuma mu ma shimikilo ayakopwa aya muyashi William Marrion Branham, kasesema wa kwa Lesa kabili kasabankanya wambila uwaishibikwa na mufyalo mumbi. Ifyo tutuma fili nga MP3, CDs, DVDs, Ubunkolanya, software, amabuuku, impapulo, utumapepala twa cikoseleshi, ifikope, Newsletter, na ma websites.

Shimapepo Branham aali ni kasabankanya wa mbila nsuma uwalumbwike isonde lyonse uwali pa mulimo wabu minshoni ukufuma mu 1947 ukushinta 1965. Tatungulwile fye imintapendwa kuli Kristu, lelo Lesa alishininkishe ubupyungishi ukupitila mufipapwa ifyo mushingapenda. Uyu link alamipelako ubulondoloshi bwa bupyungishi bwakwe.

Ilyo lipusho ilisuma, kabili ilyo twingatemwa ukwipusha ama chalici yonse aya lelo. Lesa alitumine kasesema! Mulandu nshi bonse tabalelandilapo pali ici? Bafwile bacita ico.

Mu musango umo wine Yoshua aakonkomeshe saana pali Mose. Mose aali ni kasesema uwaletele Imbila ukufuma kuli Lesa. Munyina Branham acitile cimo cine.

Paulo atiile mu 1 Abena Korinti 11:15: “Nomba umwanakashi nga aba no mushishi uutali, muchinshi kuli wene: pantu umushishi wapelwa kuli wene ukuba icifimbo. “Paulo na Kabili asosele ukuti abanakashi bafwile ukuipulamikila mu ukufwala ukuyene…”kabili na Mose atile, “Umwanakashi talingile ukufwala icakufwala icipalile ku ca mwaume.” Nga cakuti Baibele yasosa ici, ninshi abena Kristu ba cinecine bafwile ba cicetekela.

Mukasanga ama website aya pangwa ku kutalika icili conse Kabili fyonse, ukulundako fye na Baibele. Twaipusha fye ukuti mupingule Imbila twaleta kuli imwe ukupitila mu Cebo cakwa Lesa, elyo tekwesha ukupitila mufya kulanda landa ifili ifya anguka ukusanga pa internet. Ibukisheni takwabapo uwa pontelwa ukucila Shikulu Yesu. Nga ulecita icintu icalungama lyene kuti waenekela uku kutalika.

Ishibeni ici tapabapo nangu pamo apo twipusha ifya kusonka. Ilyo akashita kakafika twatendeka ukulombaisha ulupiya, elintu ubu ubupyungishi bukafika kumpela. Apa icikankala te lupiya, lelo kutwala imyeo kuli Yesu Kristu.

Baibele isosa aiti, icicetekelo cisa ukupitila mu kumfwa,” eico tulemikoselesha ukukonkanyapo ukumfwa. Twalikwata amabushimikilo 1,200 aya kopwa ayasangwapo ayo mwingesula ukwabula umutengo. Kuti twamitumina ifyo mulefwaya muli mail nga cakuti namukwata ubwafya ukwisula amafailo.

www.branham.org balatuma inyunshi cila bushiku na mabunte ukulola ku bupyungishi bwesu. Tulemulalika ukututandalila cila bushiku no kubelenga amalyashi ukufuma ku ba cetekela isonde lyonse. Kuti limbi mwasunguka pa fintu ubwingi ifikalamba ifyo Shikulu Yesu alecita, muli shino nshilu sha nomba.