Likwiza zuŵa apo waliyose wa ise, kwali Mukhristu panji ndinjani, wazamumanya fikepo icho chiri kuseri kwa uko kulije nyengo. Baibolo likulayizga Umoyo Wamuyirayira ku ŵanji, ndipo ku ŵanyakhe, likulayizga kususkika. Munthu waliyose mu mdauko wose wali kujifumba nadi iyomwene, “Kasi chizamkuchitika ntchichi para ine ndafwa?”

Kale pambere Baibolo lindaŵeko lakuti ŵaŵazge, mprofeti Job wakalaŵiskanga chilengedwe. Iyo wakayowoya za chigomezgo cha khuni, umo ili likutemekera na kufwa, kweni kwizira mu kuŵapo kwa maji, ili likuphukiraso ku umoyo ndipo likuphuka mphukira ziphya. Job wakamanya kuti munthu, ngati khuni, wangamanya kukhalaso wamoyo:

Usange munthu wafwa, kasi wazamkukhalaso wamoyo? mazuŵa ghose gha nyengo yane yakwimikikira ine ndilindizgenge, mpaka kusinthika kwane kufike.

Imwe muchemenge, ndipo ine ndimuzgoraninge imwe: imwe muŵenge na khumbo la ntchito ya mawoko ghane.

Pakuti sono imwe mukupenda masitepu ghane: ndikokuti imwe mukuwona chara kwananga kwane? (Job 14:14-16)

Job panji ntha wakaŵa na Baibolo lakuti waŵazge, kweni iyo wakamanya kuti Chiuta zuŵa limoza wazakumuwuska iyo mu dindi para Muwomboli wa ŵanthu wafika.

O kuti mphanyi mazgu ghane ghalembeka sono! o kuti mphanyi igho ghadindika mu buku!

Kuti igho ghaguruvika na peni na phesulo la chisulo mu jarawe muyirayira.

Pakuti ine nkhumanya kuti muwomboli wane ngwamoyo, na kuti iyo wazamuyimirira pa zuŵa laumaliro pa charu chapasi:

Ndipo nangauli pamanyuma mphorozi zingaparanya thupi ili, kweni mu thupi lane ine ndizakumuwona Chiuta: (Job 19:23-26)

Mprofeti wakayowoyanga za Fumu Yesu na chiwuka cha ŵanthu Ŵakhe. Mwa uvumbuzi Job wakamanya kuti nangauli mathupi ghithu panji ghangavukupara, Yesu wazamkuwezgereska munofu withu. Ndipo na maso ghithu, ise tizamkuwona Kwiza Kwakhe. Ŵanthu wose ŵa Chiuta ŵakunwekera kuzakaliwona zuŵa lauchindami lira.

Kweni, umo nadi Chiuta waliriko, devulu nayoso waliko; ndipo nadi umo Kuchanya kuliriko, gehena nayoso waliko. Mitambo yiri kutali kuruska umo ise tingaghanaghanira. Mpostole Paulos wakayowoya kuti, “Jiso lindawone, nesi khutu kupulika, nesi kunjira mu mtima wa munthu, vinthu ivyo Chiuta wali kuŵanozgera ŵeneawo ŵakumutemwa iyo.” (I Ŵakorinte 2:9)

Malingaliro ghithu ntha ghangapulikiska ukuru umo Kuchanya kuzamkuŵira, ndipo ntha ghangapulikiska kofya kwa gehena. Yesu wakatiphalira ise kuti ku gehena nkhuheni chomene mwakuti chingaŵa chiwemiko usange ise tingacheketako chiŵaro cha thupi lithu kuruska kukangalizga kuruta ku malo ghakofya ghara.

Ndipo usange woko lako likukukhuŵazga iwe, likwanjureko: ntchiwemiko kwa iwe kuti ukanjire wakupundukwa mu umoyo kuruska kuŵa na mawoko ghaŵiri kuruta ku gehena, mu moto uwo ntha uzamkuzimwika: (Marko 9:43)

Ntheura kasi ndinjani warutenge Kuchanya? Ndipo kasi ndinjani warutenge ku gehena? Ndi ghanoghano lachitima, kweni Yesu wakayowoya kuti ŵanthu ŵanandi ntha ŵazamkupokera njombe yeneiyo Iyo wakukhumba kupereka: Njirani imwe pa chipata chifinyi: pakuti chipata ntchisani, ndipo nthowa njikuru, iyo yikurazga ku pharaniko, ndipo mbanandi ŵamkuŵa kula awo ŵakuruta kwenekula: Chifukwa chipata ntchifinyi, ndipo nthowa njifinyi, iyo yikurazga ku umoyo, ndipo mbachoko kula awo ŵakuyisanga iyi. (Mateyu 7:13-14)

Yesu wakayowoyaso, “Ntha ndi waliyose uyo wakuyowoya kwa ine, Fumu, Fumu, wazamkunjira mu ufumu wa kuchanya; kweni mweneuyo wakuchita khumbo la Ŵadada ŵane awo ŵali kuchanya. Ŵanandi ŵazamkuyowoya kwa ine mu zuŵa lira, Fumu, Fumu, kasi ise tiri kuchima chara mu zina linu? ndipo mu zina linu ise tikafumiska viŵanda? ndipo mu zina linu tikachita milimo yinandi yakuziziswa? Ndipo ntheura Ine ndizamkuti kwa iwo, Ine nkhamumanyaninge chara imwe: fumaniko kwa ine, imwe mukuchita ubendezi.” (Mateyu 7:21-23)

Chifukwa chakuti munthu wakuyowoya kuti ndi Mukhristu ntha chikung’anamura kuti iyo wali kuponoskeka. Ntheura, ili ndi fumbo lakumanyamanya mu malingaliro ghithu: Kasi ine nkhupokera uli Umoyo Wamuyirayira? Yesu wakatipa ise zgoro lipusu chomene: Inya, inya, Ine nkhumunenerani imwe, Uyo wakupulika mazgu ghane, ndipo wakumugomezga Iyo mweneuyo wakandituma ine, wali na umoyo wamuyirayira, ndipo ntha wazamkunjira mu kususkika; kweni wajumpha nyifwa wanjira mu umoyo. (Yohane 5:24)

Mwasoka, muli ŵanthu ŵachoko chomene mu charu muhanyauno awo ŵakukhumba kuti ŵapaturepo nyengo pa mazuŵa ghawo gha ntchito kuti ŵakapulikeko Mazgu gha Chiuta. Ndipo mbachokoso chomene awo ŵagomezgenge Mazgu para iwo ŵaghapulika igho.

Mipingo yikutiphalira ise kuti tiŵe ŵanthu ŵaweme, kughanaghana kwambura nkhayiko, ntha tingatetanga, kupusika, panji kwiba, ndipo ise tirutenge Kuchanya. Iwo ntha ŵakupulikiska kuti gehena lizamkuzura na ŵanthu awo ŵakuwoneka kuti ŵakukhala maumoyo ghaweme. Unenesko ngwakuti ise ntha tizamkuruta Kuchanya chifukwa cha milimo yithu yaurunji panji chifukwa chakuti ise ndise membara wa mpingo unyakhe. Kuli nthowa yimoza pera yakuya ku Umoyo Wamuyirayira, ndipo iyo ndi kwizira mwa Yesu Khristu. Iyo wakatiphalira ise kuti ise tikwenera KUGOMEZGA Mazgu Ghakhe, icho ndi Baibolo. Mukayowoyero kanyakhe, kasi ise tingaponoskeka uli?

Para zuŵa la cheruzgo lafika kwa imwe, kasi imwe muzamkupulika, “Zanga, iwe wakutemweka wa Ŵadada ŵane, haranga ufumu ukanozgekera iwe kufuma ku mtendeko wa charu,” (Mateyu 25:34) panji iwe uzamkupulika, “Fumako kwa ine, iwe wakutembeka, njiranga mu moto wambura kumara, ukanozgekera devulu na ŵangelo ŵakhe”? (Mateyu 25:41)

Apo maso ghinu ghakuŵerenga mazgu agha, imwe muli nako kusankha kwakuti mupange: Kasi imwe musankhenge kugomezga Mazgu gha Chiuta?

Mukaŵerenge

Job 14:12-16

Ntheura munthu wakugona pasi, ndipo wakuwuka chara: kufikira mitambo yimare, iwo ntha ŵazamkuwuka, nesi kuwuskika mu tulo twawo.

O kuti imwe nthena mwandibisa ine mu dindi, kuti imwe nthena mwangundisunga ine ku ubende, kufikira ukali winu umare, kuti imwe nthena mwandimikira ine nyengo yakwimikika, na kundikumbukira ine!

Usange munthu wafwa, kasi iyo wakhalengeso wamoyo? mazuŵa ghose gha nyengo yane yakwimikika ine ndilindizgenge, kufikira kusintha kwane kwize.

Imwe muchemenge, ndipo ine ndimuzgoraninge imwe: imwe muŵenge na khumbo la ntchito ya mawoko ghane.

Pakuti sono imwe mukupenda masitepu ghane: ndikokuti imwe mukuwona chara kwananga kwane?

Job 19:23-26

O kuti mphanyi mazgu ghane ghalembeka sono! o kuti mphanyi igho ghadindika mu buku!

Kuti mphanyi igho ghaguruvika na peni na phesulo la chisulo pa jarawe ku nyengo yambura kumara!

Pakuti ine nkhumanya kuti muwomboli wane ngwamoyo, na kuti iyo wazamuyimirira pa charu pa zuŵa laumaliro:

Ndipo nangauli pamanyuma mphorozi zingaparanya thupi ili, ndipouli mu thupi lane ndizakumuwona Chiuta:

Mateyu 7:21-23

Ntha ndi waliyose uyo wakuyowoya kwa ine, Fumu, Fumu, wamkunjira mu ufumu wa kuchanya; kweni mweneuyo wakuchita khumbo la Ŵadada ŵane awo ŵali kuchanya.

Ŵanandi ŵazamuyowoya kwa ine mu zuŵa lira, Fumu, Fumu, kasi ise tikachima chara mu zina linu? ndipo mu zina linu tikafumiska viŵanda? ndipo mu zina linu tikachita milimo yinandi yakuziziswa?

Ndipo ntheura ine ndizamkuyowoya kwa iwo, ine ntha nkhamumanyaninge imwe: fumaniko kwa ine, imwe mukuchita ubendezi.

Mateyu 22:14

Pakuti mbanandi ŵakuchemeka, kweni mbachoko ŵakusankhika.

Yohane 3:16-17

Pakuti Chiuta wakatemwa chomene charu, kuti iyo wakapereka Mwana wakhe yekha, kuti uyoyose wakugomezga mwa iyo wareke kuparanyika, kweni waŵenge na umoyo wamuyirayira.

Pakuti Chiuta ntha wakatuma Mwana wakhe mu charu kuti wazakasuske charu: kweni kuti charu kwizira mwa iyo chingamanya kuponoskeka.

Yohane 5:24

Inya, inya, Ine nkhumunenerani imwe, uyo wakupulika mazgu ghane, ndipo wakugomezga pa mweneuyo wakandituma ine, wali na umoyo wamuyirayira, ndipo ntha wazamkunjira mu kususkika; kweni wajumpha nyifwa wanjira mu umoyo.

I Ŵakorinte 2:9

Kweni umo kuli kulembekera, Jiso lindawone, nesi khutu kupulika, nesi kunjira mu mtima wa munthu, vinthu ivyo Chiuta wakaŵanozgera iwo awo ŵakumutemwa iyo.

I Ŵatesalonika 4:13-18

Kweni ine nkhukhumba chara kuti imwe muŵe ŵalemwa, ŵabali, kukhwaskana na awo ŵali kugona tulo, kuti imwe muleke kuchita chitima, nga ndi ŵanyakhe awo ŵalije chigomezgo.

Pakuti usange ise tikugomezga kuti Yesu wakafwa ndipo wakawukaso, nanga ndi ntheuraso ŵeneawo ŵali kugona tulo mwa Yesu ndi ŵeneawo Chiuta wazamkuŵawuska pamoza na iyo.

Pa ichi ise tikumunenerani imwe mwa mazgu gha Fumu, kuti ise taŵeneise tiri ŵamoyo ndipo tikukhalirira kufika ku kwiza kwa Fumu ntha tizamkuŵajandizga ŵeneawo ŵali kugona tulo.

Pakuti Fumu iyoyekha yizamkwikha kufuma kuchanya na ntchemerezgo, na lizgu la mungelo mukuru, ndipo na mbata ya Chiuta: ndipo ŵakufwira mwa Khristu ŵazamkudanga kuwuka:

Ntheura ise taŵeneise tiri ŵamoyo ndipo tikukhalirira tizamkwapulikira pamoza na iwo mu mabingu, kuti tikakumane na Fumu mu mlengalenga: ndipo ntheura ise tamkukhala muyirayira na Fumu.

Mwantheura mupembuzganenge yumoza na munyakhe na mazgu agha.