Yohane 14:12

Inya, inya, ine nkhumunenerani imwe, uyo wakugomezga ine, milimo iyo ine nkhuchita wazamuchita nayoso; ndipo milimo yikuru kuruska iyi wazamuchita; chifukwa ine nkhuruta ku ŵadada ŵane.


Marko 16:17-18

Ndipo vimanyikwiro ivi viŵarondezgenge ŵeneawo ŵakugomezga; mu zina lane iwo ŵazamufumiska viŵanda; iwo ŵazamuyowoya malilime ghaphya;

Iwo ŵazamukora njoka; ndipo usange iwo ŵamwa chirichose chakukoma; ichi ntha chizamkuŵapweteka iwo; iwo ŵazamkuŵika mawoko pa ŵarwari, ndipo iwo ŵazamuchira.


Tose tingamanya kujura mapeji gha Baibolo na kuwona kuti Chiuta wakuchita minthondwe: Moses wakapatulanya Nyanja Yiswesi, Elija wakachemeska chilangalanga, Yesu wakayenda pa maji, ndipo ŵasambiri ŵakachizga ŵarwari.

Kuli masauzandi gha vyakuchitika vyakuziziswa vili kulembeka mu Baibolo. Usange Chiuta wakuchitira ukaboni na vimanyikwiro na vyakuziziswa, ipo kasi minthondwe Yakhe yirinkhu muhanyauno? Kasi Iyo wangachizga kansa nga ndiumo Iyo wakachizgira vyoni mu Baibolo? Nanga AIDS panji malaria? Kasi Iyo wangachita ndithu munthondwe? Inya, Chiuta wachali kuchita minthondwe ndipo vimanyikwiro ivi vikuŵarondezga ŵeneawo ŵakugomezga.

Sono, wonani ŵabwezi, ghanaghanani za King George wa ku England, para iyo wakati wachizgika ku tumaduna tunandi, para ise tikaŵa na malurombo gha iyo. Ghanaghanani za Florence Nightingale, (agogo ŵakhe ŵanakazi, chata wa Red Cross), wakaŵa mzitu pafupifupi sikisite paunzi, wakaŵa chigonere uko wakafwanga na kansa ya m’thumbo la kunthumbo kusi, wakaŵa chigonere kula wakafwanga. Kankhunda kachoko kakawulukira mu chivwati kula ndipo Mzimu wa Chiuta ukiza ndipo ukati, “NTHEURA YIKUTI FUMU, iyo waŵenge wamoyo.” Ndipo iyo ndi mzitu kukwana handiredi na fifite-fayivi paunzi muthupi liweme.

Ghanaghanani za Congressman Upshaw wakakhala mu mpando na m’bedi kwambura kwenda chirimika na chirimika, pa virimika sikisite-sikisi. Ndipo nkhanira mu kanyengo kachoko wakanyamuka pa marundi ghakhe, wakachimbirachimbira mu nyumba, wakakora njoŵe zakhe za kumarundi, wakaŵa nkhanira wakunyoroka ndipo wamusuma.

Ghanaghanani waka za masauzandi na masauzandi gha ŵanthu awo ŵali kuchizgika. Tikhalirengechi pano ise kufikira tifwe? Tiyeni tichitepo chinyakhe za ichi.

Muŵe na chipulikano usange imwe mwarwara panji mwasoŵerwa. Baibolo likuyowoya kuti Yesu Khristu ndi mweneyura mayiro, na muhanyauno, na muyirayira, ntheura usange Iyo wakaŵa wamagomezgeko kuchita munthondwe virimika thu sauzandi vyajumpha, ntheura Iyo ngwamagomezgeko kuchita chenechira muhanyauno. Iyo wakatilayizga kuti ise tiri kuchizgika, usange ise tingagomezga.

Congressman Upshaw

William D. Upshaw wakateŵeta virimika eyiti mu Nyumba ya Boma la United States ya Ŵimiriri ndipo wakapikisana nawo pa vya upurezidenti mu 1932. Ngozi ya pa ulimi yikamuphapiska iyo nga ndi mwana, ndipo iyo wakakhala virimika 66 pa ndodo panji mu mpando wamatayara. Mu 1951, iyo wakachizgikirathu ndipo wakayenda makoraghene umoyo wakhe wose.

 
Florence Nightingale

Florence Nightingale, wapachibale wapataliko wa nasi wakutchuka, wakaŵa na kansa yakofya ya m’matumbo. Iyo wakatumizga chithuzithuzi ichi nga nkhupempha kwaumaliro kuti warombereke pambere kansa yikaŵa yindatore umoyo wakhe. Umo imwe mukuwonera, iyo wakaŵa pafupi kufwa pambere Fumu Yesu yikaŵa yindamuchizge iyo mu 1950. Chithuzithuzi chinyakhe icho chikajamburika wakati wachizgika ndipo wakatumizga ichi nga ndi ukaboni kuti Chiuta wachali kuchizga ŵarwari.


Tris Griffin

Tris Griffin wakaruta ku ofesi ya dokotala mu kuyambirira kwa 2013 chifukwa cha kuŵinya kwa msana icho iyo wakofiwa kuti chingamanya kuŵa kuyambiraso kwa kulimbana kwakhe na kansa. MRI yikarongora “kukanuka mu msempha ukuru” mu mtima wakhe, icho chikapangiska madokotala kuti ghamuyezge mwakurutirira ndipo ŵakamuŵika pa mzere wakuti ŵamuchite opareshoni luŵiroluŵiro machero ghakhe. Kamzere mkati mu mtima pa chithuzithuzi ndi chimanyikwiro cheneko cha mung’aru icho chingang’anamura yachangu ndipo pafupifupi kufwa usange ichi chingadumuka.

Machero, ŵakugomezga ŵakati ŵamurombera iyo, madokotala ghakachitaso kuwunika kunyakhe kwa CT kuti ŵarongore apo pakaŵa mung’aru pambere yindachitike opareshoni. Nyengo iyi, vithuzithuzi vikarongora nkhanira mtima uweme. Mwakuzukuma, dokotala wakamuphalira Mrs. Griffin, “Ine nkhumanya chara chakuti ndikuphalire iwe. Iwe ukaŵa na kukanuka mu msempha ukuru, kweni sono ukaboni wose wamara.” Iyo wakamurongora iyo vithuzithuzi pambere ŵakaŵa ŵandamurombere, na para ŵakati ŵamurombera. “Iwe ndiwe mwanangwa kuruta, ndipo umanye ichi, palije chimanyikwiro cha kansa palipose. Iwe uli makora waka.”

 

Ntcheto ya dokotala yikurongora ku msempha ukuru, apo pali bii, malo gharaundi pakatikati pa chithuzithuzi. Mzere wakupinjikika mkati mu uwu ndi chakutupa panji “kukanuka” kwa msempha ukuru, icho chikukhumbikwa opareshoni mwaluŵiroluŵiro ndipo chikukoma para chadumuka. Kuwunika kwachiŵiri kukachitika machero ghakhe. Kukanuka kukamalirathu ndipo ntha kukawereraso.

Mukaŵerenge

Masalmo 103:2-3

Tumbika YEHOVA, O uzima wane, ndipo ntha ungaruwanga vyakovwira vyakhe:

Uyo wakugowokera upuvyi wako wose; uyo wakuchizga nthenda zako zose;

Yesaya 53:5

Kweni iyo wakalasika chifukwa cha zakwananga zithu, iyo wakapwetekeka chifukwa cha upuvyi withu: kulangika kwakutitorera ise mtende kukaŵa pa iyo; ndipo na vitimbo vyakhe ise tikuchizgika.

Marko 16:17

Ndipo vimanyikwiro ivi viŵarondezgenge ŵeneawo ŵakugomezga; mu Zina lane iwo ŵazamkufumiska viŵanda; iwo ŵazamkuyowoya malilime ghaphya;

Luka 17:6

Ndipo Fumu yikati, Usange imwe mukaŵenge na chipulikano nga ndi njere ya sinapi, imwe panji mungayowoya ku khuni ili la chikuyu, Zgurika iwe na misisi yako, ndipo ukapandike mu nyanja; ndipo ili likwenera kumupulikirani imwe.

Yohane 14:12

Inya, inya, Ine nkhumunenerani imwe, Uyo wakugomezga Ine, milimo iyo Ine nkhuchita wazamkuchita nayoso; ndipo milimo yikuru kuruska iyi wazamkuchita iyo; chifukwa Ine nkhuruta ku Ŵadada ŵane.

I Ŵatesalonika 1:5

Pakuti Ivangeli lithu ntha likiza kwa imwe mu mazgu pera, kweniso mu nkhongono, na mu Mzimu Mutuŵa, na mu chisimikizgo chikuru; umo imwe mukumanyira kaŵiro ka ŵanthu ise tikaŵa pakati pinu chifukwa cha imwe.

Ŵahebere 2:3-4

Kasi ise tiphokwenge uli, usange ise tikuzerezga chiponosko chikuru chantheura; cheneicho pakudanga chikayamba kuyowoyeka na Fumu, ndipo chikakhozgeka kwa ise na awo ŵakamupulika iyo;

Chiuta nayoso kuŵachitiranga ukaboni iwo, na vimanyikwiro na vyakuziziswa, ndipo na minthondwe yakupambanapambana, na vyawanangwa vya Mzimu Mutuŵa, kwakulingana na kukhumba Kwakhe?

Ŵahebere 13:8

Yesu Khristu mweneyura mayiro, na muhanyauno, na muyirayira.

Yakobe 5:15

Ndipo lurombo lwa chipulikano liponoskenge murwari, ndipo Fumu yizakumuwuska iyo; ndipo usange iyo wananga, zizamkugowokereka kwa iyo.

I Petros 2:24

Mweneuyo iyoyekha wakanyamura zakwananga zithu mu thupi lakhe pa khuni, kuti ise, pakuŵa ŵakufwa ku zakwananga, tikhale umoyo wa urunji: mweneuyo na vitimbo vyakhe ise tikachizgika.