Wonani, ine ndimutumireninge imwe Elija muprofeti pambere lindize zuŵa likuru na lakofya la YEHOVA:
Ndipo iyo wazamkuzgora mtima wa ŵawiskewo ku ŵana, na mtima wa ŵana ku ŵawiskewo, mzire ine ndize na kutimba charu na nthembo.

Buku laumaliro la Chipangano Chakale likulayizga kuparanyika kwa charu. Kweni pambere umaliro undafike, Elija muprofeti wali kuroskereka kuti wizenge na kuzakamumanyiska Mesiya. Ŵanyakhe ŵakuti Yohane Mubapatizi wakakwaniriska uchimi uwu.

Virimika thu sauzandi vyajumpha, ŵaYuda ŵakakhazganga kwiza kwa Mesiya. Iwo ŵakamanya kuti Malaki wakachima za munthu wa mzimu wa Elija wazamkumanyiska Mesiya kwa iwo. Kweni para Yohane Mubapatizi wakati wafika, iyo ntha wakaŵa icho iwo ŵakakhazganga kuti Elija wazamkuŵa. Para iwo ŵakati ŵamufumba Yesu za chifukwa icho Elija ntha wakadanga kwiza, Iyo wakaŵaphalira pakweru iwo kuti Yohane wakaŵa kufiska kwa uchimi ula: “Ndipo usange imwe mupokererenge ichi, uyu ndi Elia, uyo wakayenera kwiza.” (Elia ndi mtundu wa Chigiriki wa zina la Chihebere, Elija.)

Kakaŵa kagulu kachoko ka ŵanthu ako kakapokerera uvumbuzi uwu. Ku ŵarongozgi ŵanandi ŵasopisopi, Yohane wakaŵa munyakhe chara kuruska mususki wakunyanyira wa mabungwe ghawo. Ntha kuti iwo ŵakatondeka kumanya mzimu wa Elija pera chara, kweni chiheni chomene, iwo ŵakaphonyaso Kwiza kwa Khristu.

Ntheura kasi Yohane Mubapatizi wakafiska uchimi wa Malaki? Ntha mwakukwanira.

Chakudanga nkhanira, charu ntha chiri “kuwotcha nga ndi ng’anjo” kufikira sono, ntheura ise tikumanya kuti mwapachoko gawo la Malaki 4 lichali lindachitike. Gawo linyakhe la Lemba ilo ntha likafiskika na Yohane likaŵa la, “kuzgora mtima wa ŵana ku ŵawiskewo.” Ndipo, Yesu, Iyomwene, wakachima kuti Elija wati (kunthazi) wizenge na kuwezgereska vinthu vyose. (Matt 17:11)

Ipo ise tikwenera kuti tikhazgenge Elija pambere kundachitike Kwiza Kwachiŵiri kwa Khristu!

Sono, mu nyengo yasono iyi, ndi nyengo ya Kwiza Kwachiŵiri kwa Fumu Yesu. Kweniso, ise talayizgika kuti mzimu wa Elija uzakumumanyiska Iyo kwa ise kwakulingana na Malaki 4. Kweni kasi ndi gulu uli la ŵanthu lizakumumanya Elija para iyo wafika? Ŵekha pera awo ŵakumupenja iyo.

Mazgu agha gha Fumu na Muponoski withu ghakwiza ku malingaliro para ise tikughanaghana za uchimi wa Malaki mu maora agha ghaumaliro:

Kweni Ine nkhumunenerani imwe, Kuti Elia wali kwiza kale, ndipo iwo ntha ŵakamumanya iyo… Mateyu 17:12

Uli usange ise taphonya kwiza uku kwa Elija? Kasi ndikokuti ise tizamuphonya Kwiza Kwachiŵiri kwa Khristu, umo ŵalembi na ŵaFarisi ŵakaphonyera Kwiza Kwakhe Kwakudanga chifukwa chakuti iwo ntha ŵakamumanya Yohane Mubapatizi?

Mukaŵerenge

II Mathemba 2:15

Ndipo para ŵana ŵa ŵaprofeti awo ŵakayenera kuti ŵakamuwone pa Yeriko ŵakati ŵamuwona iyo, iwo ŵakati, Mzimu wa Elija uli pa Elisha. Ndipo iwo ŵakiza kuzakakumana nayo, ndipo ŵakagwada pasi panthazi pakhe.

Yesaya 40:3-4

Lizgu la mweneuyo likuchemerezga mu mapopa, Nozgani imwe nthowa ya YEHOVA, nyoroskani mu chipalamba gurwe wa Fumu yithu.

Chidikha chirichose chizamukwezgeka, ndipo phiri lirilose litali na lifupi ghazamukhizgika: ndipo chakuzgomba chizamkunyoroskeka, ndipo malo ghamaduna ghazamkuskesketezgeka: [Yohane Mubapatizi]

Malaki 3:1

Wonani, Ine nditumenge thenga lane [Yohane Mubapatizi], ndipo iyo wazamkunozga nthowa panthazi pane: ndipo Yehova, uyo imwe mukupenja, wazamkwiza mwamabuchibuchi ku tempile lakhe, nanga ndi thenga la phangano, mwa mweneuyo imwe mukucha nayo: wonani, iyo wazamkwiza, wakuti YEHOVA wa maumba.

Malaki 4:1-6

Pakuti, wonani, zuŵa likwiza, ilo lizamuwotcha nga ndi ng’anjo [chichali chindachitike]; ndipo ŵakujikuzga wose, inya, na wose awo ŵakuchita uheni, ŵazamkuŵa swatu: ndipo zuŵa ilo likwiza lizamuŵawotcha iwo petu, wakuti YEHOVA wa maumba, kuti ntha lizamkuŵasidira iwo msisi nesi nthambi.

Kweni kwa imwe mukuwopa zina lane Zuŵa la urunji lizamkufuma na machirisko mu mapapindo ghakhe; ndipo imwe muzamudukaduka, na kukura nga ndi mathole mu chiŵaya.

Ndipo imwe muzamkuponda pa ŵaheni; pakuti iwo ŵazamkuŵa vyoto ku vikandiro vya marundi ghinu mu zuŵa ilo Ine ndizamuchitira ichi, wakuti YEHOVA wa maumba.

Kumbukirani dango la Moses muteŵeti wane, ilo nkhamulangurira iyo mu Horeb kuŵa la Israyeli yose, na marango na vyeruzgo.

Wonani, Ine ndimutumireninge imwe Elija muprofeti pambere lindize zuŵa likuru na lakofya la YEHOVA:

Ndipo iyo wazamkuzgora mtima wa ŵawiskewo ku ŵana [Yohane Mubapatizi], na mtima wa ŵana ku ŵawiskewo [Elija wasono], mzire Ine ndize na kutimba charu na nthembo.

Mateyu 11:10

Pakuti ichi ndi mweneuyo, za uyo ichi chiri kulembekera, Wonani, Ine nkhutuma thenga lane panthazi pinu, uyo wazamunozga nthowa yinu panthazi pinu. [Malaki 3:1, Yohane Mubapatizi]

Mateyu 11:14

Ndipo usange imwe mupokererenge ichi, uyu ndi Elia, uyo wakwenera kuti wize. [Yohane Mubapatizi]

Mateyu 17:11-12

Ndipo Yesu wakazgora ndipo wakati kwa iwo, Elia nadi wazamkudanga kwiza, na kuwezgereska vinthu vyose. [Elija wasono]

Kweni Ine nkhumunenerani imwe, Kuti Elia wali kwiza kale, ndipo iwo ntha ŵakamumanya iyo, kweni ŵachita kwa iyo chirichose iwo ŵakakhumbanga. [Yohane Mubapatizi] Ntheuraso Mwana wa munthu wazamkusuzgika na iwo.

Luka 1:17

Ndipo iyo wazamkuruta panthazi pakhe mu mzimu na nkhongono ya Elia, kuti wazgore mitima ya ŵawiskewo ku ŵana, ndipo ŵamtafu ku vinjeru vya urunji; kuti wanozgere ŵanthu ŵakunozgekera Fumu. [Yohane Mubapatizi]