Masalmo 96:13

Panthazi pa YEHOVA: pakuti iyo wakwiza, pakuti iyo wakwiza kuzakayeruzga charu: iyo wazamuyeruzga charu na urunji, ndipo ŵanthu na unenesko wakhe.

Kuli mabungwe ghasopisopi ghakupambanapambana mu charu muhanyauno. Chisopo chirichose chikususka chinyakhe, kweni vyose vikulayizga chiponosko kwizira mu bungwe lawo lisopisopi. Kasi ise timanyenge uli chimoza chakuti tisankhepo?

Usange ise tasankha mpingo wa Katolika, ipo ise tikuzomerezga kuŵeyererekera na ŵatuŵa, cheneicho ntchinyakhe chara kuruska kusopanga vikozgo. Baibolo likuyowoya, “Pakuti kuli Chiuta yumoza, ndipo muphemaniski yumoza pakatikati pa Chiuta na ŵanthu, munthu Khristu Yesu;” (1 TIMOTE 2:5). Wasembe wakuchemeka “Dada” icho chikakanizgika na Yesu mu Mateyu 23:9: “Ndipo ntha mungachemanga munthu waliyose dada winu pa charu chapasi: pakuti Dada winu njumoza, uyo wali kuchanya.” Ŵa Assembly of God ŵakutiphalira ise kuti kuyowoyanga malilime ndi ukaboni wakwambirira wa Mzimu Mutuŵa, para Paulos wakati, “Nangauli ine nkhuyowoya na malilime gha ŵanthu na gha ŵangelo, ndipo ndirije chitemwa, ine nkhuzgoka nga ndi mkuŵa wakulira, panji belu wakulira.” (1 Ŵakorinte 13:1)

Pafupifupi mabungwe ghose ghasopisopi ghakuchimbirira kutiphalira ise kuti vinthu vinandi mu Baibolo viri kutanthauzika mwaujira, kuwinda pa kutanthauzira, panji ntha vya mu charu chasono. Ntheura, kasi ise tikwenera kugomezga Baibolo panji visambizgo vya mabungwe ghasopisopi? Kasi Chiuta wazamugwiriska ntchito vichi nga ndi mweso wa kweruzgira?

Usange ine ningafumba wa Katolika muno usiku uno, “Kasi iwe ukughanaghana kuti Chiuta wazamugwiriska ntchito vichi pa kuyeruzga charu?” Wa Katolika wayowoyenge, “Na Mpingo wa Katolika.” Viri makora, sono kasi ndi Mpingo ngu wa Katolika? Sono iwo ŵali na wa Chiroma, Greek Orthodox, na ŵanandi ŵa iwo. Kasi uŵenge Mpingo ngu wa Katolika? Wa Lutheran wayowoyenge, “Na ise,” ntheura imwe ŵa Baptist muli kuwaro. Ndipo ntheura usange ise tiyowoyenge, “Na ŵa Baptist,” ntheura imwe ŵa Pentekoste muli kuwaro. Ntheura kungaŵa nthimbanizgo yikuru, palije yumoza wamanyenge chakuti wachite; ntheura Iyo ntha wakalayizga kuzakayeruzga charu pakugwiriska ntchito mpingo.

Iyo wakalayizga kuzakayeruzga charu pakugwiriska ntchito Khristu, ndipo Khristu ndi Mazgu. Ndipo Baibolo ndilo lizamuyeruzga charu, uyo ndi Yesu Khristu mweneyura mayiro, muhanyauno, na muyirayira.

Mukaŵerenge

Yohane 1:1

Pa chiyambi pakaŵa Mazgu, ndipo Mazgu ghakaŵa na Chiuta, ndipo Mazgu wakaŵa Chiuta.

Yohane 1:14

Ndipo Mazgu ghakazgoka thupi, ndipo wakakhala pakati pithu (ndipo ise tikawuwona uchindami wakhe, uchindami nga ndi wa kananda wakhe pera wa Wiske,) wakuzura uchizi na unenesko.

Yohane 5:22

Pakuti Wiske ntha wakuyeruzga munthu, kweni wali kupereka cheruzgo chose mu Mwana:

Yohane 12:48

Uyo wakundikana ine, ndipo ntha wakupokerera mazgu ghane, wali na uyo wakumweruzga iyo: mazgu agho Ine ndiri kuyowoya, gheneghara ghazakumuyeruzga iyo mu mazuŵa ghaumaliro.

Ŵaefeso 1:5-7

Wakati watimikira nkhanira ise ku kulereka nga ndi mwana na Yesu Khristu kwa iyomwene, kwakulingana na kapimiro kaweme ka khumbo lakhe,

Ku marumbo gha uchindami wa uchizi wakhe, mwakuti iyo wali kutipanga ise ŵakuzomerezgeka mu wakutemweka.

Mwa mweneuyo ise tiri na uwombozi kwizira mu ndopa zakhe, kugowokereka kwa zakwananga, kwakulingana na mausambazi gha uchizi wakhe;

Ŵaefeso 2:5-8

Nanga ndi para ise tikaŵa ŵakufwa mu kwananga, wali kutisisipuskira ise pamoza na Khristu, (na uchizi imwe muli kuponoskeka;)

Ndipo wali kutiwuskira ise pamoza, ndipo watipanga ise kukhala pamoza m’chanyam’chanya mwa Khristu Yesu:

Mwakuti mu miwiro iyo yikwiza iyo wangamanya kurongora mausambazi ghakuru gha uchizi wakhe mu chisungusungu chakhe kwa ise mwa Khristu Yesu.

Pakuti na uchizi imwe muli kuponoskeka mwa chipulikano; ndipo kuti nkhwa mwaŵene chara: ndi chawanangwa cha Chiuta:

I Yohane 1:7

Kweni usange ise tikwenda mu ungweru, umo iyo waliri ungweru, ise tiri na wenenawene yumoza na munyakhe, ndipo ndopa za Yesu Khristu Mwana wakhe zikutitozga ise ku kwananga kose.

Chivumbuzi 22:18-19

Pakuti ine nkhumupanikizgira munthu waliyose uyo wakupulika mazgu gha uchimi gha buku ili, Usange munthu munyakhe waliyose wasazgengeko ku vinthu ivi, Chiuta wasazgengeko kwa iyo vilengo ivyo viri kulembeka mu buku ili:

Ndipo usange munthu munyakhe waliyose wawuskengeko ku mazgu gha buku la uchimi uwu, Chiuta wawuskengeko gawo lakhe kufuma mu buku la umoyo, na kufuma ku msumba utuŵa, na kufuma ku vinthu ivyo viri kulembeka mu buku ili.