Swivono swi yile emahlweni. U byeriwile hi vanghana va yena va vafundhisi leswaku swivono swa yena a swi humi eka Xikwembu. U byeriwe leswaku u hlaseriwa hi moya lowo biha. Leswi swi n’wi karhate ngopfu. Ndwalo wu vuye wu tika ku wu rhwala, swingaleswi u yile emananga ku ya kuma ku Rhandza ka Xikwembu. U tibohile leswaku u hlambanya kuva a nga tlheli loko a ngari na nhlamulo. A kuri kwalahaya, eka xiyindlwana xa xitlhaka xa timhandzi, laha Ntsumi ya Hosi yi nga n’wi nyika xileriso. Exikarhi ka swilo swin’wana, Ntsumi yi n’wi byele swilo leswi: “Loko u nga kuma vanhu leswaku va ku pfumela, na ku tshembheka loko u khongela, kuhava lexi xi nga yimaka emahlweni ka swikhongelo swa wena, hambi kuri mfukuzani.”
Ku kanakana hinkwako a ku sukile. Sweswi a ri na xileriso ni ku tlhava goza a ya emahlweni hi ku titshembha. Mpfuxelelo wa ku hanyisiwa a wu sungurile.
Madzana-dzana ya magidi a ya nghenelerile eka mampfhumba ya Branham. Magidi ya hanyisiwile hi Vito ra Hosi Yesu Kreste. Va evhangeli van’wana tani hi Oral Roberts, T.L. Osborn, na A.A. Allen va landzelerile Makwerhu Branham va tlhela va ya sungula mimpfuxelelo ya vona yo hanyisa vavabyi. Hosi yi nisile minkateko ya Yona kutlula hilaha yi nga tshama yi swi endla. Voko leri ri hanyisaka ra Yesu Kreste nakambe a ri khumbhile vanhu va Yena.
“Nkarhi wun’wana ndzi khavexela mihloti ya ntsako eka nyiko leyi yi nga nyika hi Xikwembu eka kereke ya makwerhu wa hina loyi a rhandzekaka, William Branham, na nyiko ya yena leyo hlawuleka yo horisa. Leyi yova mhaka ya Xikwembu yi endlaka hi ku tlurisisa hi xitalo ehenhleni ka hinkwaswo leswi hi nga swi kombelaka kumbe ku swi ehleketa (Vaefesa 3:20), hikuva a ndzi se tshama ndzi swi vona kumbe ku hlaya swin’wana na swin’wana leswi ringanaka na ministri lowu wu hanyisaka wa William Branham.”
Muf. F.F. Bosworth, loyi a tivekaka misava hinkwayo hi vuevhangeli na kuva a ri un’wana wa vatatana lava va nga sungula dinominexini ya Assemblies Of God hambi kuri mpfhumba ra ximasiku lawa ra Pentekostal.
“Eka xikombiso xin’wana, hi hlalerile loko a ha vulavula na wanuna loyi a pavalarile exisangwanini. Ro sungula akuri hava na sayini yo kombisa ku tshukunyuka eka wanuna loyi. Tihlamuselo a tita ti huma eka wansati loyi a yimile hikwala tlhelo, leswaku wanuna loyi a nga fi ntsena hi mfukuzani, nakona a nga twi a nga swikoti ku twa leswi a swivuriwa.
Hiloko Makwerhu Branham a ku swi tava swi ri kahle eka wanuna loyi leswaku a tlhela a twa leswaku a ta kota ku n’wi lerisa kuya hi mahorisele ya mfukuzani. Ku vile na xinkadyana xa xikhongelo. Hiloko xikan’we-kan’we wanuna a kota ku twa! Mihloti leyikulu ya wanuna loyi yi khuluka hi marhama ya yena laha xikandza xa yena madyambu ya lawa hinkwawo a xi nga ha ri na tinhlamuselo to karhi eka xona na kuva xi nga ha tikombisi kutwa kuvava. U yingiserile hi ku enta ka ku navela lokukulu tani hiloko a ha byeriwa hi ku tshuxiwa ka yena eka mfukuzani.”
Muf. Gordon Lindsay, mutsari loyi a hetisekeke, muministara, na kuva a ri musunguri wa Christ For The Nations Institute.
“Makwerhu Branham a ku, ‘The Congressman u hanyisiwile.’ Mbilu ya mina yi khana. Ndzi huma ndzi ya amukela Hosi tani hi Muhanyisi wa mina. Ndzi vekile etlhelo tinhonga ta mina to famba hi tona…hiloko makorho ya Tilo ya wa!”
William D. Upshaw, US Congressman (1919-1927), muyimela ku hlawuriwa eka Vupresident bya U.S hi 1932. A ri xilema kusukela loko a tava a wile a tshoveka rhambu ra longo loko a hari n’wana. A ri na 84 loko a ta hanyisiwa hi ku hetiseka kusuka eka xikhongelo xa Makwerhu Branham, endzhaku kaloko a tava a vile xilema ku ringana malembe ya 66. A nga ha kalanga a lava xitulu xa mavhilwa kumbe tinhonga to famba hi tona eka vutomi bya yena hinkwabyo.
“Ndzi tlherile ku ringana malembe ya nhungu na tinhweti ta nkaye ni ri na T.B. nakona madokodela a ma ndzi tshikile. Hi ku tika a ndzi tika 50 wa ntiko wa tiphawundi nakona a swi tikomba ku tshembha ku nga hari kona. Kutani kusukela eJeffersonville, Indiana, kutile Muf. WM Branham eka xivono loyi a nga vona xinyimpfana xi phasiwile emananga nakona a xi ri eku rileni a ‘Milltown,’ ku nga laha ndzi tshamaka kona. Makwerhu Branham a nge se tshama a ta kumbe ku tiveka eka un’wana na un’wana lahawani. Loko a nghena, u ndzi tlhandlekile mavoko a ndzi khongelela, a ndzi vitanelela Vito ra Hosi ya hina Yesu loyi a rhandzekaka. Swin’wana a swi twakala swi ndzi khoma nakona xikan’we-kan’we ndzi kumeka ndzi yimile ndzi ri karhi ndzi khensa Xikwembu eka matimba ya Xona yo hanyisa. Sweswi ndzi mutlangi wa piyano eka kereke ya Baptist leyi nga lahawani.”
Georgia Carter, Milltown Indiana, u hanyisiwile eka xivumbeko xa T.B. hi 1940 nakona a nga ha kalanga a xanisiwa hi vuvabyi byebyo evuton’wini bya yena. U yimerile magidi-gidi ya vanhu lava va nga horisiwa eka ministry wa yena nakona va ha hanyisiwile hambi kuri namuntlha.