Ku vuye kuva na munyama ekamareni rale xibedlhele, tani hilaha ku nga tshama kuva kona enhoveni yo tlhuma. A ndzi kota kutwa moya loko wu hunga ematlukeni, hambi leswi a swi tikomba kuri ndlela ya kahle yo huma enhoveni. Hakanyingi a wu ta twa ku hefemula ka moya loko wu hunga ematlukeni, wuri karhi wu ku tshunelela na ku ku tshunelela. Ndzi ehleketa, “Kunene, leri rova rifu leri ri taka ku ta ndzi teka.” Oh! moya wa mina wu fanele ku ya hlangana na Xikwembu, ndzi ringetile ku khongela kambe ndzi hluleka.
Moya wuya wu tshunelela, wu ya wu rhasa na ku rhasa. Matluka ma zuzeka nakona xikan’we-kan’we, ndzi va ndzi fambile.
Kwalaho a swi tikomba tani hiloko ndzi tlhela ndzi vuya nakambe ndzi ri jaha leri ri nga ambalangiki swale milengeni, ndzi yimile eka xindledyana xexo xi nga ehansi ka nsinya walowo. Ndzi twe Rito rona lero ri ngeteri, “U nga tshuki u nwa kumbe ku dzaha.” Nakona matluka lawa ndzi nga matwa ya hari wona lawa ya nga hunga eka nsinya walowo hi siku lero.
Kambe eka lowu nkarhi Rito ri teri, “Ndzi ku vitanile kutani u nga ti.” Ri vuyelerile ka nharhu.
Hiloko ndzi ku, “Hosi, loko kuruku hi Wena, ndzi pfumeleri ndzi tlhelela emisaveni nakambe nakona ndzi ta chumayela Evhangeli ya Wena kusukela eka yindlu yin’wana na yin’wana nale tiyinhleni ta switarata. Ndzi ta byela un’wana na un’wana ha swona!”
Loko xivono lexi xi tava xi hundzile, ndzi titwe ndzi nga antswi. Dokodela wa mina a ha ri kona emuakwini. U tile a ta ndzi vona nakona u hlamarile. U languteki tani hiloko a ehleketa leswaku a ndzi file, hiloko a ku, “A ndzi munhu loyi ndzi yaka ekerekeni, ntirho wa mina wu kahle, kambe ndza switiva leswaku Xikwembu xi endzerile jaha leri.” Hikokwalaho ka yini a vule sweswo, a ndzi switivi. Ku hava loyi a nga vula nchumu haswona. Loko a ndzi switive khale leswi ndzi switivaka sweswi, a ndzi tava ndzi pfukile eka mubedwa walowo ndzi ri karhi ndzi Dzunisa hi Vito ra Yena.
Endzhaku ka masiku mantsongo ndzi pfumeleriwile ku tlhelela ekaya kambe a ndza ha vabya nakona ndzi boheleriwile ku ambala tinghilazi emahlweni ya mina hi xivangelo xa ku tlhava ka layiti. Nhloko ya mina a yi dzinginika loko ndzi tava ndzi langute xin’wana na xin’wana xinkadyana.
Ndzi sungurile ku kamba naku lava Xikwembu. Ndzi yile eka kereke yin’wana na yin’wana, ndzi ri karhi ndzi ringeta ku kuma ndhawu yin’wana leyi yi nga na fexeni ya khale ya ku vitana lava va tweke rito. Vusiwana bya kona akuri leswaku a ndzi kumanga na yin’we.
Ndzi ku loko hakunene a ndzi ri Mukreste, a ndzi tava yena hakunene. Muministara loyi a nga ndzi twa loko ndzi vula sweswo a ku, “Sweswi Billy boy, u le ku humeni eka ku endla swihoxo swa wena swa vukhongeri.” Ndzi ku loko hi leswaku ndzi tshame ndzi va na vukhongeri, ndzi lava ku byi twa loko byi fika, ntsena tani hilaha vadyondzisiwa va nga swi endla.
Oho a ku dzunisiwi Vito ra Yena. Ekuheteleleni ndzi byi kumile vukhongeri na sweswi ndza hari na byona, nakona hi ku pfuniwa hi Yena, ndzi ta byi hlayisa minkarhi hinkwayo.
Vusiku byin’wana ndzi vile na ndlala ya Xikwembu na ntokoto wa ntiyiso laha ndzi nga huma ndzi ya eka xede ya khale endzhaku ka yindlu ndzi ya ringeta ku khongela. A ndzi nga switivi ku khongela kwalaho kutani hiloko ndzi sungula ku vulavula na Xona tani hiloko ndzi vulavula na un’wana. Xikan’we-kan’we ku ta Layiti axedeni ri fika ri vumba xihambano kutani ku huma Rito exihambanweni ri vulavula na mina hi ririmi leri a ndzi nga ri twisisi. Hiloko ri vuya ri famba. Ndzi kumeke ndzi bohiwile. Loko miehleketo yi tlhela yi vuya nakambe ndzi khongerile, “Hosi loko hi leswaku hi Wena, ndza kombela vuya u ta tlhela u vulavula na mina nakambe.” A ndzi hlaya Bibele ya mina kusukela loko ndzi tava ndzi vuyile ekaya kusuka exibedlhele nakona ndzi hlayile eka I Yohana 4, “Varhandziwa, mi nga pfumeli eka mimoya hinkwayo, kambe yi ringeteni loko yi ri ya Xikwembu.”
Ndza switiva leswaku moya wu humelerile eka mina nakona tani hiloko ndza ha khongela wu humelerile nakambe. Kutani a swi tikomba eka mina tani hiloko kuri na gidi ra tipawundi leri ri nga tlakusiwa kusuka emoyeni wa mina. Ndzi tlulerile ehenhla ndzi tsutsumela endlwini nakona a swi tikomba tani hiloko ndzi tsutsuma ndzi ri emoyeni.
Manana u vutisile a ku, “Bill, xana ku humelele yini hi wena?” Ndzi hlamurile leswaku, “A ndzi tivi kambe ndzi na ntiyiso wa leswaku ndzi titwa kahle ndzi tlhela ndzi vevuka.” A ndzi nga ha tshami nkarhi wo leha endlwini. Ndzi ta fanela ku huma ndzi ya tsutsuma.
A ndzi switiva leswaku loko Xikwembu xi ndzi lava leswaku ndzi chumayela, Xi ta ndzi horisa. Swingaleswi ndzi yile ekerekeni leyi yi pfumelaka eka ntoto na mafurha kutani ndzi hola xikan’we-kan’we. Ndzi swivonile kwalaho leswaku vadyondzisiwa a vari na swin’wana leswi vunyingi bya tiministara vo ka va ngari na swona namuntlha. Vadyondzisiwa va khuvuriwile hi Moya lowo Kwetsima nakona a va kota ku hanyisa vavabyi niku endla mahlori ya matimba hi Vito ra Yena. Swingaleswi ndzi sungule ku khongelela nkhuvulo wa Moya lowo Kwetsima nakona ndzi wu kumile.
Siku rin’wana kwalomu ka tinhweti ta ntsevu leti ti nga hundza, Xikwembu xi ndzi nyikile ku navela ka mbilu ya mina. Xi vulavurile na mina xi ri eka Layiti leyikulu, xi ni byela leswaku ndzi ya chumayela ni ku khongelela vavabyi nakona Xi ta hanyisa swi ngari na mhaka ni leswaku vana vuvabyi bya njhani. Ndzi sungurile ku chumayela ni ku endla leswi Xi nga ndzi byela ku swi endla. Oho munghana, a ndzi nge swikoti kusungula ku ku byela hinkwaswo leswi swi nga humelela: Mahlo lawa ya nga voniki ya pfuriwile. Lava va nga kotiki ku famba va famba. Mfukuzani wu tshunguriwile, na mixaka hinkwayo ya mahlori yi endliwile.
Siku rin’wana enkondzweni wa Spring Street, Jeffersonville, Indiana, endzhaku ka mipfuxelelo yimbirhi, a ndzi ri eku khuvuleni ka vanhu va 130. A kuri siku ra Mhawuri ro hisa nakona a kuri na kwalomu ka 3,000 wa vanhu lava a vari kona. A ndza ha lava ku khuvula kwalomu ka munhu wa vu17 loko xikan’we-kan’we ndzi ta twa ku songela kwaloko, ka Rito lerintsongo nakambe ri ku, “Languta ehenhla.” Xibakabaka a xi ri na brasi hi siku lero ro hisa ra Mhawuri. A hi ri hava mpfula kuringana kwalomu ka mavhiki manharhu. Ndzi twile Rito nakambe, nakambe ra vunharhu ri teri “Languta ehenhla.”
Ndzi langutile ehenhla kwalahaya kuta nyeleti leyikulu yo hatima yi huma exibakabakeni, leyi ndzi nga tshama ndzi yi vona ko hlaya kambe a ndzi mi byelanga ha yona. Minkarhi yo tala ndzi byela vanhu hiloko yi humelela nakona vo to hleka va tlhela va ku, “Bill, wo yi anakanya ntsena. Kumbe u va uri eku yi lorheni.” Kambe a ku dzunisiwi Xikwembu, eka lowu nkarhi Xi tikombisile xona hi Xoxe xivonakala eka hinkwavo, hikuva ya ndzi tshunelela kufikela laha ndzi tsandzekaka ku vulavula. Endzhaku ka tisekondo tingari-tingani loko ti hundzile a ndzi huwelela nakona vanhu votala a va languta ehenhla kutani va vona nyeleti ntsena yi ri ehenhla ka mina. Van’wana va titivarile loko van’wana va huwelela kutani van’wana va tsutsuma. Kutani nyeleti yi tlhelela endzhaku exibakabakeni nakona ndhawu leyi yi nga yi siya a yi ri kwalomu ka khume ntlhanu watifiti hi xikwere nakona ndhawu leyi a yi tshamela ro famba-famba na ku dludleka kumbe tani hiloko magandlati ya ri ekuvumbulukeni. A ku vumbekile endhawini xipapani xo basa nakona nyeleti yi nghenile kona eka xipapani lexi.