Pisalema 96:13

Emahlweni ka YEHOVHA: hikuva wa ta, wa ta eku avanyisa misava: u ta avanyisa misava hi ku lulama, ni matiko hi vunene bya yena.

Ku na magidi-gidi ya tidinominexini to hambanana emisaveni namuntlha. Vukhongeri byin’wana na byin’wana byi sola byin’wana, hambi swi ri tano hinkwato ka tona ti tshembhisiwe ku ponisiwa eka tidinominexini ta vona. Hi switiva njhani leswaku hi yihi leyi hi faneleke ku yi hlawula?

Loko hi leswaku hi hlawula kereke ya Khatholiki, kutani hi amukela ku khongelela ka vakwetsimi, lava va nga ha khongeriki swikwembu swa hava. Bibele yi ri, “Hikuva ku na Xikwembu xin’we, na muhlanganisi un’we exikarhi ka Xikwembu na vanhu, munhu loyi a nga Kreste Yesu;” (1 Tim 2:5). Muprista u vitaniwa “Fada” leswi swi nga aleriwa hi Yesu eka Matewu 23:9: “Kambe mi nga tshuki mi vula munhu la misaveni, tatana, hikuva i un’we ntsena la nga Tatana wa n’wina, hi loyi a nge matilweni.” Ma Assemblies Of God ma hi byela leswaku ku vulavula hi tindzimi i vumbhoni byo sungula bya Moya lowo Kwetsima, loko Paul a teri, “Hambi ndzi nga vulavula hi tindzimi ta vanhu na tintsumi, loko ndzi ngari na rirhandzu, ndzi kotisa nanga leyi yi yimbaka, hambi swi ri swiphambati leswi swi pfumaka.” (1 Vako 13:1)

Hakanyingi tidinominexini hinkwato ta hatlisela ku hi byela leswaku swilo swotala leswi swi nga endzeni ka Bibele a swi tolokiwanga kahle, swi lahlekile eka vuhundzuluxeri, kumbe a hi swa misava ya namuntlha. Swingaleswi, xana hi fanele ku pfumela Bibele kumbe tidyondzo ta xidinominexini xana? Xana Xikwembu xi ngava xi tirhisa mpimo muni wo avanyisa xana?

Loko ndzi nga vutisa ma Khatholiki vusiku lebyi lahawani, “Leswaku mi ehleketa leswaku Xikwembu xexo xi ta avanyisa misava hi yini?” Ma Khatholiki ma ri, “Hi Kereke ya Khatholiki.” Hi swona, sweswi Kereke ya Khatholiki yihi? Sweswi va na ma Rhoma, ma Greek Orthodox, na votala va vona. Yi tava yi ri Kereke yihi ya Khatholiki leyi yi nga tava yona? Ma Luthere ma ri, “Hi hina,” swi ri n’wina ma Baptist mi le handle. Nakona loko hi nga vula leswaku, “Hi ma Baptist,” kutani n’wina ma Pentekostal mi le handle. Swingaleswi ku tava na mpfilu-mpfilu wo kotisa walowo, ku hava loyi a nga tivaka leswi a nga swi endlaka; swingaleswi a Xi tshembhisanga kuavanyisa misava hi kereke.

Xi tshembhise kuavanyisa misava hi Kreste, nakona Kreste i Rito. Nakona Bibele hi yona yi nga ta avanyisa misava, laha ku nga Yesu Kreste loyi a nga wa tolo, namuntlha, ni hilaha ku nga heriki.

Minkongomiso

Yohana 1:1

Ekusunguleni Rito a ri ri kona, Rito a ri ri ni Xikwembu, kutani Rito a xi ri Xikwembu.

Yohana 1:14

Kutani Rito ri endliwile nyama, ri akile xikarhi ka hina (kambe hi hlalele ku vangama ka rona, ku nga ku vangama ka N’wana la nga swakwe, la humaka eka Tatana,) a tele tintswalo ni vunene.

Yohana 5:22

Tatana a nga avanyisi munhu ni un’we, kambe u nyikile N’wana ku avanyisa hinkwako:

Yohana 12:48

La ndzi alaka, a nga amukeri marito ya mina, u ni la n’wi avanyisaka; e rito leri ndzi nga ri vula, hi rona leri nga ta n’wi avanyisa hi siku ra makumu.

Vaefesa 1:5-7

Hikuva hi rirhandzu ra xona xi hi hlawurile khale ku hi endla vana va xona ha Yesu Kreste, hi ku tirhandzela ka vunene bya xona,

Eku dzunisiweni ka tintswalo to kwetsima ta xona, leti xi hi endleke ha tona lava tsakisaka eka murhandziwa wa xona;

Ha yena hi ni ku kutsuriwa hi ngati ya yena, ku nga ku rivaleriwa ka ku dyoha ka hina hi rifuwo ra tintswalo ta xona;

Vaefesa 2:5-8

Loko a hi tifele milandzwini ya hina, ndzi ri, swi hi hanyisile swin’we na Kreste, (hikuva mi hlayisekile hi tintswalo;)

Kutani xi hi pfuxe swin’we, xi tlhela xi hi tshamisa swin’we etindhawini tale matilweni eka Yesu Kreste;

Leswaku eminkarhini leyi yi taka, xi ta kombisa rifumo leri tlurisaka ra tintswalo ta xona hi vunene bya xona, lebyi xi hi endlelaka ha byona eka Yesu Kreste.

Hikuva mi hlayisekile hi tintswalo, hi ku pfumela, kutani leswo a swi humi ka n’wina, i ku nyika ka Xikwembu;

I Yohana 1:7

Kambe kungaku loko hi famba eku vonakaleni, kukota xona xi nge ku vonakaleni, hi ni ku hlangana swin’we, kutani ngati ya Yesu Kreste, N’wana wa xona, ya hi hlantswa, yi susa swidyoho hinkwaswo swa hina.

Nhlavutelo 22:18-19

Ndza tiyisa vumbhoni bya mina eka un’wana ni un’wana la yingisaka vuprofeta bya buku leyi, leswaku loko munhu un’wana na un’wana a engetela eka swilo leswi, Xikwembu xi ta engetelela ehenhla ka yena emakhombo lama tsariweke bukwini leyi:

Kutani loko un’wana a hunguta timhaka tin’wana ta buku ya vuprofeta lebyi, Xikwembu xi ta susa ku averiwa ka yena emirhini wa vutomi, ne mutini lowo kwetsima, swi nga leswi tsariweke bukwini leyi.