Swo va arivaleni, leswaku nkhuvulo wu na nkoka, kambe swi na mhaka na ku hi khuvurisiwe ku yini? Ku na nkhuvulo lowu wu nga lulama, kumbe wun’wana na wun’wana wu nga ha tirha? Loko u pfumela Bibele, kutani INA, kuna nkhuvulo wa ntiyiso.

Tikereke totala ti khuvula hi Vito ra Tatana, N’wana, na Moya lowo Kwetsima, kambe leswi a hi ntiyiso ku ya hi Bibele.

Eka Mintirho 19, a kuri na vanhu van’wana lava a va pfumerile eka Yesu Kreste, kambe hambi swi ri tano a va nge se amukela Moya lowo Kwetsima etimbilwini ta vona. Muapostola Paul a tiva ndlela leyinene ya ku amukela Moya lowo Kwetsima, swingaleswi u va vutisile leswaku, “Xana mi khuvuriwe hi nkhuvulo wihi?” Hiloko va ku, “Hi nkhuvulo wa Yohana.” (Mintirho 19:3) Paul u swi vonile leswaku a va khuvuriwanga ku ya hi ku lerisa ka Petro eka Mintirho 2:38, swingaleswi hiloko a va lerisa leswaku va tlhela va khuvuriwa nakambe hi Vito ra Hosi Yesu. Kutani, tani hilaha swi tshembhisiweke, va amukerile Moya lowo Kwetsima.

Swingaleswi, hikokwalaho ka yini vadyondzisiwa va khuvule eVitweni ra Yesu loko Yesu, yena hi Yexe, a va byerile leswaku va khuvula hi Vito (kungari “mavito”) ra Tatana, na ra N’wana, na ra Moya lowo Kwetsima? (Mat 28:19) Xana va nga va va endlile xihoxo xana? Ee! Va endle ku ya hilaha va nga lerisiwa ha kona.

Tani hiloko mi hlaya atikili leyi, ehleketa hi vito ra wena. Xana u n’wana xana? Hi rona vito ra wena ra, “N’wana”? Xana u manana xana? Hi rona vito ra wena ra, “Manana”? Hakunene a hi rona, leswi swova ntsena swiyimela-mavito. U na rona vito lerinene, swingaleswi swi tano nale ka Xikwembu.

Hi leyi nhlamulo:

Kuhava swo fana na sweswo a Bibeleni tani hilaha un’wana a nga tshama a khuvuriwa hi vito ra Tatana, N’wana, Moya lowo Kwetsima; hikuva kuhava swo fana na sweswo. Tatana a hi vito; na N’wana a hi vito; na Moya lowo Kwetsima a hi vito; kambe Vito ra Tatana, N’wana, Moya lowo Kwetsima i Hosi Yesu Kreste.

Yesu Kreste i Xikwembu! Hi Yena Tatana, N’wana, na Moya lowo Kwetsima.

Loko u ri eku laveni ka Moya lowo Kwetsima nakona u ri eku hlamaleni leswaku hikokwalaho ka yini Hosi yi ngari eku mi nyikeni wona, kutani u nga hava u lava ku tivutisa wena hi wexe xivutiso lexi Paul a nga xi vutisa xa leswaku, “Xana mi khuvuriwe hi nkhuvulo wihi?”

Minkongomiso

Matewu 28:19

Yanani hakona, mi ya dyondzisa va matiko hinkwavo, mi va khuvula hi vito ra Tatana, ni ra N’wana, ni ra Moya lowo Kwetsima:

[Hi rihi Vito ra Tatana? Na Vito ra N’wana? Na Vito ra Moya lowo Kwetsima xana?]

Marka 16:16

La nga ta pfumela kutani a khuvuriwa u ta hlayiseka; kambe la nga pfumeriki u ta avanyisiwa.

Yohana 5:43

Ndzi tile hi vito ra Tatana, kutani a mi ndzi amukeri; kungaku loko un’wana a ta hi vito ra yena, mi ta n’wi amukela.

[Loko hi leswaku U tile hi Vito ra Tatana wa Yena, kutani hi rihi Vito ra Yena?]

Yohana 10:30

Mina na Tatana wa mina hi un’we.

Yohana 12:45

Kutani la ndzi hlalelaka, u hlalela la ndzi rhumeke.

Yohana 14:8-9

Filipi a ku ka yena, Hosi, hi kombe Tatana, swi tava swi hi ringene.

Yesu a ku ka yena: Ndzi tshamile na n’wina khale swonghasi, kasi a wu ndzi tivanga, Filipi! la ndzi voneke, u vonile Tatana, kwalaho u vurisa ku yini loko u ku: Hi kombe Tatana?

Yohana 20:27-28

Kutani a ku ka Thomas, Tisa rintiho ra wena la, languta ni xandla xa mina; tshambuluta ni voko ra wena u ri nghenisa tsheveni ra mina, kutani u nga kanakani, kambe u pfumela.

Thomas a hlamula, a ku ka yena: Hosi yanga ni Xikwembu xa nga.

Mintirho 2:38-39

Petro a ku ka vona, Hundzukani, kutani u un’wana na un’wana a khuvuriwa hi vito ra Yesu Kreste eku khomeriweni ka swidyoho, kutani mi ta amukela nyiko wu nga Moya lowo Kwetsima.

Hikuva ku tshembhisa loku ku hlayeriwe n’wina, ni vana va n’wina, ni hinkwavo lava nge kule, ni lava va ha taka vitiwa hi Hosi Xikwembu xa hina.

Mintirho 4:12

Kutani a kuna ku hlayiseka ka un’wana, hikuva a kuna vito rimbe ehansi ka matilo leri nyikiweke xikarhi ka vanhu, leri hi fanelaka ku hanyisiwa ha rona.

Mintirho 8:12

Kambe kute loko va pfumela ka Filipi loyi a va byelaka Evhangeli yaku fuma ka Xikwembu, ni vito ra Yesu Kreste, vavanuna ni vavasati van’wana va khuvuriwa.

Mintirho 19:3-6

A ku ka vona, Mi khuvuriwile hi ku khuvula kwihi ke? Va ku, Hi ku khuvula ka Yohana.

Kutani Paul a ku, Kunene Yohana u khuvuriwile hi ku khuvula ka ku hundzuka, ari karhi a byela tiko leswaku va pfumela kaloyi a taka endzhaku ka yena, a nga Kreste Yesu.

Ku te loko va twa sweswo, va khuvuriwa hi vito ra Hosi Yesu.

Ku te loko Paul a va tlhandlekile mavoko, Moya lowo Kwetsima wu ta henhla ka vona; kutani va vulavula hi tindzimi, va ri karhi va profeta.

Vaefesa 4:5

Kuni Hosi yin’we, niku pfumela kun’we, niku khuvuriwa kun’we,

Vakolosa 3:17

Kutani leswi mi swi endlaka hambi yi ri yini na yini hi ku vulavula kumbe hi ku tirha, endlani hinkwaswo hi vito ra Hosi Yesu, mi ri karhi mi nkhensa ha yena eka Xikwembu Tatana.

I Yohana 5:7

Hikuva timbhoni ti kona ti nga tinharhu leti ti hlayisaka vumbhoni etilweni, ku nga Tatana, na Rito, na Moya lowo Kwetsima: kutani vunharhu lebyi i swilo swin’we.