Hinkwaswo swi sungule eswigangeni swa Kentucky. A hari mufana loko tata wakwe a ta balekela nawu kutani a rhurhisa ndyangu wa yena wu ya eJeffersonville, Indiana. U hlamusela hi swivono swa yena swo sungula ni hilaha Hosi yi nga n’wi byela hakona ku hanya vutomi lebyi tengeke. U vutanile na murhandziwa wa yena kutani va tihanyela vutomi bya ntsako tani hi muministara lontsongo na ntirho lowu wu nga tshamiseka na vana va mbirhi, kambe leswi swi hlomulaka mbilu swi vuye swi nghena. A wu nge he pfuki u vile ya luya a fanaka loko wo yingisela Muf. William Branham loko a vula hi xitorhi xa vutomi bya yena.

Lahawani hi leswi vanhu vanyingi va ehleketaka leswaku hi leswi swi nga humelela eNtangeni wa Eden: Xikwembu xi byerile Adam na Evha leswaku va nga dyi muhandzu wun’wana. Nyoka « yi xisile » evha leswaku a dya muhandzu. Kutani Evha a wu nyika Adam, na yena a endla swo fana, leswi swi nga va endla va tiva leswaku a va ambalanga nakona swi yisile eka kuwa ka rixaka ra ximunhu. Swivutiso leswi nga erivaleni hi leswi : i nyoka ya muxaka muni leyi yi nga vulavulaka, hikokwalaho ka yini ku dya muhandzu swi pfurile mahlo ya vona eka kuva va nga ambalanga, nakona hikokwalaho ka yini vavile na vana endzhaku ka leswi? Nhlamulo yi olovile, nakona nchumayelo lowu wu hlamusela swona.

Ndzi na ntiyiso wa leswaku ndzi vulavula na vanhu mixo lowu lava va fikaka eka ndhawu ya leyo. Ndzi vile kona minkarhi yo tala hi vumina. Loko ndzi tava ndzi tlhelerile endzhaku ndzi ya lavisisa vutomi bya mina na ku hundzuluxela ribye rin’wana na rin’wana, nakona ndzi kumile leswaku ndzi endlile swin’wana swo hoxeka, a ndzi taya ndzi ya tivula ndzi ku, « Hosi Xikwembu, ndzi ta swi lulamisa, » nakona ndzi ya endla tano. Kutani ndzi tlhela ndzi vuya ndzi ku, « Sweswi, Hosi, Wena u Xikwembu; U ta ndzi hlamula. Hakunene ndzi hlanganile na xikombelo xin’wana na xin’wana lexi U xi lavaka leswaku ndzi xi endla. Nakona xilaveko xin’wana na xin’wana, ndzi hlanganile na xona. » Nakona hambi swi ri tano Xi nga tshukunyuki, swi tikomba xi tshamile xi timiyelela; kwalaho hi laha u fanelaka kuva na ntiyiso wa leswaku hi Xona Xikwembu. U nga hetiwi matimba…

Magidi-mbirhi wa malembe lawa ya nga hundza, Yesu Kreste u nyikerile vutomi bya Yena eka munhu un’wana na un’wana loyi a nga tshama a famba eka planete ya Misava. Xana siku rero eXihambanweni ri ngava ri vula yini eka un’wana na un’wana wa hina? Ri hi nyikile nkateko wa ku amukela Vutomi lebyi nga Heriki. Loko mbilu ya wena yi khanela kuva na xinakulobye xa ximunhu na Muponisi wa wena, kutani leyi yi tava ndhawu ya kahle yo sungulela kona.

Ku lerisiwa ka William Branham loku ku humaka eka Xikwembu ku tlwebile mpfuxelelo wo hanyisa misava hinkwayo wa vo 1940’s na 1950’s. Va Evhangeli votani hi Oral Roberts, T.L. Osborne, na Jack Coe va landzelerile eka minkondzo ya yena nakona va ncinca xikandza xa misava ya Xikreste. Leswi hilaha swi nga sungurisa xiswona hinkwaswo.