Nyonso bandaka na mwa mongo na Kentucky. Yandi vwandaka mwa mwana ya bakala ntangu tata ya yandi kimaka bantu ya luyalu mpe nata dibuta ya yandi na Jeffersonville, Indiana. Yandi ke tubila bimoni ya yandi ya ntete mpe mutindu Mfumu tubaka na yandi na kuzinga luzingu ya kuveduswa. Yandi kwelaka nzolani ya yandi mpe vwandaka zinga luzingu ya mbote, na kuvwandaka ntwenya ya mulongi, na kisalu ya mbote mpe bana zole, kasi na manima, dyambu ya yimbi bulaka. Nge ke vwanda dyaka ve mutindu mosi na manima ya kuwa reverend William Branham kutubila disolo ya luzingu ya yandi.

Nsambulu ya yinza ya bubu yayi me longa beto ti kuvwanda Muklisto kele kuvwanda ya dibuundu. Na kieleka, badenominasyo ke kabulaka bantu na binzambi-nzambi mpe mutindu ya kusambila mpe ke salaka beto kutelemina bampangi. Mpulusu lenda kuzwakama kaka na Klisto; ya lenda kuzwakama kaka ve na kukumaka mambele ya denominasyo. Beto "Miklisto", me sobisa ba-credo mpe ba-dogme na Mfumu Yesu Klisto? Ya me kuma ntangu ya kuvutuka na Biblia.

Awa kele yina bantu mingi ke banzaka salamaka na Nsaba ya Eden: Nzambi tubaka na Adam mpe Eve na kudya ve mbuma mosi. Nyoka "vunaka" Eve samu yandi kudya mbuma. Na manima Eve pesaka yawu na Adam, mpe yandi salaka mutindu mosi, yina salaka bawu kuzaba, ti bawu vwandaka kimpene mpe twadisaka bantu nyonso na mbwinzulu. Bakyuvu ya kieleka kele: wapi mutindu ya nyoka lenda zonza, samu na yinki kudya mbuma fungulaka meso ya bawu na bukimpene ya bawu, mpe samu na yinki, kaka, na manima ya yayi, bawu kuzwaka bana? Mvutu kele mpasi ve, mpe dilongi yayi ke bangula yawu.

Mu kele ya kundima ti mu ke na kuzonzaka na bantu na suka yayi yina me kuma na kisika yina. Mu me vwandaka kuna bambala mingi munu mosi. Ntangu mu vwandaka vutula luzingu ya munu, ti mu vwandaka balula konso ditadi mpe ti mu vwandaka bakula ti mu salaka kima ya yimbi, mu vwandaka kwenda kufungula yawu mpe kutuba, "Mfumu Nzambi, mu ke sungika yawu," mpe kukwenda sala yawu. Na manima kuvutuka dyaka mpe kutuba, "Ntangu yayi, Mfumu, Nge kele Nzambi; Nge ke pesa munu mvutu. Ya kieleka mu me lungisa konso ndombolo yina Nge lombaka munu na kusala. Mpe ndombolo nyonso, mu me lungisa yawu." Mpe dyaka Yandi ke ningana ve, ya ke talana ke vwanda swi; ya kele ntangu beno fwana vwanda ya kundima ti Yandi kele Nzambi. Beno lemba ve...

Bamvula mafunda zole me luta, Yesu Klisto pesaka luzingu ya Yandi samu na konso muntu yina me dyataka yimeni planete ya Ntoto. Yinki kilumbu yina na Calvaire zola kutuba samu na mosi na mosi ya beto? Ya pesaka beto nyonso bweso ya kuzwa Luzingu ya Seko. Kana ntima ya nge ke na nsatu ya kuzwa kiwisa na Mvulusi ya nge, na yina yayi kele kisika ya kubanda.

Kisalu Nzambi pesaka William Branham me nata mvumbukulu ya kubeluka ya nzutu na yinza ya muvimba na nsuka ya bamvula 1940 mpe 1950. Bimwangisi-Nsangu mutindu Oral Roberts, T.L. Osborne mpe Jack Coe landaka bitambi ya yandi mpe sobaka kizizi ya yinza ya Buklisto. Yayi kele mutindu nyonso kubandaka.