Inga, beto ke kwikilaka ngwi, ti Yesu Klisto mosi yina salaka bimangu mafunda zole ya bamvula me luta kele dyaka na lenda ya kusala mutindu mosi bubu yayi. Lemvo, fulusa kaka formulaire yayi yina kele na yisi kana nge zola ti beto vukana na nge na kisambu. Beto ke lomba nge na kutinda beto kimbangi ya nge ntangu Mfumu ke pesa nge mvutu.
Marc 16:17-18
Mpe bidimbu yayi ke landa bawu yina ke kwikila; Na nkumbu ya munu bawu ke bingisa bampeve ya yimbi; bawu ke zonza na bandinga yankaka; bawu ke simba banyoka; mpe kana bawu kunwa kima nyonso yina ke kufwaka, ya ke sala bawu mpasi ve; bawu ke tentika maboko na bambevo, mpe bawu ke beluka.
Jean 14:12-14
Ya kieleka, ya kieleka, Mu ke tuba na beno, Yandi yina ke kwikila na munu, bisalu yina Mu ke salaka, yandi mpe ke sala; mpe bisalu ya kulutila nene na yayi yandi ke sala; samu ti Mu ke kwenda na Tata ya munu.
Mpe nyonso yina beno ke lomba na nkumbu ya munu, mu ke sala yawu, samu ti Tata kukembwisa na Mwana.
Kana beno lomba kima mosi na nkumbu ya munu, mu ke sala yawu.
I Pierre 2:24
Yandi yina nataka masumu ya beto na nzutu ya yandi na yinti, samu ti, na kufwaka samu na masumu, beto zinga samu na mvedolo: na nzila ya bamputa ya yandi beno me belukaka.