Maipahayag namo nga ang among "opisyal" nga pagtulon-an sa simbahan mao lamang ang Biblia, nga gikan sa Genesis ngadto sa Pinadayag. Ang among ginapahayag nga pagtulon-an mahimong pamub-an nga sama niini: Wala’y laing kredo kondili si Cristo; wala’y laing balaod kondili gugma; wala’y laing libro kondili ang Biblia.

Oo! Kinahanglan toohan sa mga Cristohanon ang tibuok Pulong sa Dios; mao kana kon nganong nagasimba kita ug ginabasa ang atong mga Biblia. Nganong toohan man nimo kanang bahin sa Biblia diin nga si Jesus namatay alang sa imong mga sala, ug ibalewala kung giunsa pagkasugod sa sala didto sa Tanaman sa Eden?

Dili kulto o denominasyon ang Lawas ni Cristo , ug ang bugtong nga kinahanglanon aron mamahimong miyembro niini mao ang pagtoo kang Ginoong Jesus. Ayaw kabalaka nga kinahanglan mo pa magpakita og ilhanan o magpirma pa og mga papeles nga ginapangayo sa pangagamhanan sa simbahan. Toohan mo lang ang Pulong, ug ang Ginoo na'y mobuhat sa tanan.

Dili kami usa ka iglesiang organisasyon, apan nagatabang kami sa mga linibo nga mga kaiglesiahan ug minilyon nga mga indibiduwal sa tibuok kalibutan pinaagi sa paghatag og mga materyal alang sa pagtoo. Misyon namo nga mapadasig ang mga tawo nga dugang pa nga mahiduol ngadto kang Ginoong Jesus pinaagi sa pagsiguro nga ang Iyang Ebanghelyo makaabot sa tanang tawo sa kalibutan.

Kon dili ka makakita og tawong magbautismo kanimo sa Ngalan ni Ginoong Jesus Cristo, padalhi kami og email uban ang imong lokasyon ug padalhan namo ka og listahan sa mga simbahan nga duol sa imong lugar nga mahimong magbautismo kanimo sa hustong bautismo. Hinumdumi, importante gayud sumala sa Biblia nga mabautismohan ka sa Ngalan ni Jesus, ug dili sa mga titulo sa Amahan, Anak, ug Espiritu Santo.

Nag-ingon si Ginoong Jesus, "Dili kamo maghukom, aron dili kamo pagahukman." Walay tawo nga adunay katungod nga maghukom bahin sa kaluwasan. Nag-ingon usab si Jesus, “Ang motoo ug magpabautismo maluwas; apan ang dili motoo pagahukman sa silot.” Busa dili igsapayan kon usa man ikaw ka Katoliko, Baptist, o Pentecostal; kon nagatoo ka kang Ginoong Jesus Cristo nan maluwas ka.

AngVoice Of God Recordings, Inc. usa ka inter-denominasyonal nga ministerio nga napahinungod ngadto sa pagpakaylap sa Maayong Balita ni Ginoong Jesus Cristo. Ang nag-unang kakuhaan sa mga materyal nga among ginapang-apod-apod mao ang mga narekord nga mga wali ni William Marrion Branham, usa ka propeta sa Dios ug inila nga pangtibuok kalibutan nga ebanghelista. Kauban sa among ginapang-apod-apod mao'y mga MP3 CD, mga DVD, mga video, software, mga libro, mga magasin, mga basahon, mga retrato, mga sulat-balita, ug mga website.

Si Reverend Branham usa ka ebanghelistang inila sa tibuok kalibutan nga ma'y ministerio sa pagsangyaw gikan niadtong mga 1947 hangtud sa 1965. Dili lang nga minilyon ang giagak niya ngadto kang Cristo, kondili gipamatud-an gayud sa Dios ang iyang ministerio pinaagi sa dili-maihap nga mga milagro. Kini nga link ang magahatag kanimo og pasiuna bahin sa iyang ministerio.

Usa kana ka maayo nga pangutana, ug usa nga mao'y gusto namo nga ipangutana sa tanang kinabag-an nga kaiglesiahanan sa karon. Nagpadala ang Dios og usa ka propeta! Nganong wala man ang tanan nagahisgot og bahin niini? Kinahanglan gayud nila kini pagahisgotan.

Sa mao rang hinungdan nga si Josue naghatag og kamahinungdanon kaayo ngadto kang Moises. Si Moises usa ka propeta kaniadto nga nagdala og usa ka Mensahe gikan sa Dios. Ingon niana usab ang gihimo ni Igsoong Branham.

Nag-ingon si Pablo diha sa I Mga Taga-Corinto 11:15: “Apan kong ang babaye may buhok nga hataas, kana usa ka himaya kaniya; kay ang buhok gihatag kaniya ingon nga igpapandong.” Nag-ingon usab si Pablo nga ang kababayen-an angayan nga “managdayandayan sa ilang kaugalingon sa bisti nga mahiangay uban ang kaligdong…” ug nag-ingon si Moises, “Ang babaye dili magsul-ob og bisti nga iya sa lalake.” Kung ginaingon kini sa Biblia, kung ingon-ana toohan gayud kini sa tinuod nga mga Cristohanon.

Siguradong ma'y makita g'yud ka og mga website nga napahinungod aron sa pagpasayup sa bisan unsa nalang ug tanan na, apil na ang Biblia. Ang gusto lang namo nga imong desisyonan pinaagi sa Pulong ang Mensahe nga among gipresentar kanimo ug dili pinaagi sa mga sulti-sulti nga sayon lang makita sa internet. Hinumdumi, wala na'y laing uban pa nga gitumotumoan niini gawas kang Ginoong Jesus. Pag-aduna ka'y butang nga matarung nga ginahimo, nan magpaabot g'yud ka og mga pagsaway.

Mahimatikdan mo nga walay bisan usa nga dapit niining website nga nagapangayo og donasyon. Pagmoabot ang panahon kon diin magpakilimos na kami og kwarta, kung ingon-ana miabot na ang panahon nga undangon na kini nga ministerio. Dili kini mahitungod sa kuwarta, kini mahitungod sa pag-agak og mga kalag ngadto kang Jesus Cristo.

Ang Biblia nag-ingon, “ang pagtoo nagagikan sa pagpatalinghug,” mao nga ginadasig namo ikaw sa pagpadayon sa pagpaminaw. Aduna kimi og sobra sa 1,200 nga narekord nga mga wali aron libre nga i-download. Mahimo namo ikaw padalhan og mga materyal gamit ang koreyo kon aduna ka'y problema sa pag-download og mga electronic file.

Angwww.branham.org adlaw-adlaw nga nagabalita ug nagamantala sa mga testimonyo nga may kahilambigatan sa niining among ministerio. Ginadapit namo ikaw nga bisitahon kami adlaw-adlaw ug mabasa mo ang mga report sa mga magtotoo sa tibuok kalibotan. Mahingangha ka sa daghan kaayong halangdong mga butang nga ginapangbuhat ni Ginoong Jesus mismo karon, sa niining modernong panahon.