Kuna siku leri ri nga ekuteni laha un’wana na un’wana wa hina, hambi u Mukreste kumbe a wu yena, u ta swi kuma hakunene leswi swi nga endzhaku ka khetheni ra nkarhi. Bibele yi tshembhise Vutomi lebyi nga Heriki eka van’wana, na le ka van’wana, yi tshembhisa kuavanyisa. Xivumbiwa xin’wana na xin’wana xa ximunhu eka matimu hinkwawo kahlekahle xi tivutisile xona hi xoxe leswaku, “Xana ku ta humelela yini ha mina loko ndzi fa xana?”

Khale ku nga si va na Bibele yo hlaya, muprofeta Yobo u hlalerile ntumbuluko. U vulavurile hi ku tshembhela eka nsinya, hilaha wu nga ta tsemiwa hakona ni ku fa, hambi swi ri tano nale ka risuna ra mati, ma endla ximbyarimbyari ya tlhelela endzhaku evuton’wini kutani byi humesa swihluke leswo tenga. Yobo u switivile leswaku munhu, u kukotisa nsinya, u ta tlhela a pfukela evuton’wini:

Loko ngi munhu la feke, a nga tlhela a hanya ke? a ndzi ta yingisela hi masiku hinkwawo ya tinyimpi ta mina, kufikela nkarhini lowu timhaka ta mina ti nga hundzuka.

A wu ta ndzi vitana, a ndzi ta pfumela: a wu ta navela ntirho wa mavoko ya wena.

Kambe u hlaya vukandziyo bya mina: u siya swidyoho swa mina? (Yobo 14:14-16)

Yobo swi nga ha endleka a pfumale Bibele yo yi hlaya, kambe a switiva leswaku Xikwembu siku rin’wana xi ta n’wi pfuxa a sirheni loko Mukutsuri wa vanhu a humelela.

Swangi loko marito ya mina ma nga tsariwa! Loko ngi ma tsariwa bukwini!

A ma tsariwi hi chizele ya nsimbhi ni hi nhumbu eribyeni, hilaha ku nga yiki helo.

Kambe ndza switiva leswaku mukutsuri wa mina wa hanya, hikuva u ta pfuka misaveni a ri yena wa ku hetelela:

Hambi nhlonge ya mina yi onhakile u ta pfuka, ndzi ta vona Xikwembu ndzi ri nyameni: (Yobo 19:23-26)

Muprofeta a vulavula hi Hosi Yesu na ku pfuka ka vanhu va Yona ekufeni. Hi nhlavutelo Yobo u switivile leswaku hambiloko mimirhi ya hina yi nga vuna yi nyamalala, Yesu u ta vuyisela nyama ya hina. Nakona hi mahlo ya hina, hi ta vona ku Vuya ka Yena. Hinkwavo vanhu va Xikwembu va navele ku vona siku lero ro kwetsima.

Hambi swi ri tano, ntsena hi ntiyiso tani hiloko Xikwembu xi hanya, nakambe kahari na javulosi; nakona hi ntiyiso tani hiloko kuri na Tilo, na tihele ti kona. Malangavi ya tlakukile kutlula hilaha hi nga maehleketaka hakona. Muapostola Paul u vule leswaku, “Tihlo ari si ti vona, endleve a yi si ti twa, a ti nghenanga embilwini ya munhu, timhaka teto, Xikwembu xi ti lunghiseleke lava xi va rhandzaka.” (1 Vakor. 2:9)

Miehleketo ya hina yi ngaka yi nga twisisi hilaha Matilo ya kahle ya nga tava hakona, hambi kuri ku twisisa swihoxo swa tihele. Yesu u hi byerile leswaku tihele tibihe ngopfu leswaku a swi ta antswa loko hi nga susa xirho xa mirhi wa hina kutlula ku rhiska ku ya eka ndhawu yaleyo yo chavisa.

Voko ra wena loko ri ku wisa, ri tsemi: swi nga saseka ka wena loko u nghena evuton’wini u ri xilema, kungari ku ya tiheleni endzilweni lowu nga timekiki u ri na mavoko mambirhi: (Marka 9:43)

Swingaleswi i mani loyi a nga ta ya eTilweni? Nakona i mani loyi a nga taya etiheleni? I miehleketo leyi nga siwaneka, kambe Yesu u vule leswaku vanhu vanyingi va ngaka va nga amukeli mbuyelo lowu Yena a tsakelaka ku wu nyika: Nghenani hi nyangwa leyo khuma, hikuva nyangwa wa ku lova wu ahlamile, ni ndlela leyi yaka kona yi anamile, kutani ni lava nghenaka kona va tele: Kambe nyangwa ya vutomi yi khumile, ni ndlela leyi yaka kona yi larile, kutani lava yi kumaka, a hi vanyingi. (Mate 7:13-14)

Yesu a engeta a ku, “A hi hinkwavo lava va nge eka mina, Hosi, Hosi, lava va nga ta nghena ekufumeni ka matilo; kambe ku ta nghena loyi a endlaka ku rhandza ka Tatana wa mina loyi a nga ematilweni. Enkarhini wolowo van’wanyana va ta ku ka mina, Hosi, Hosi, xana a hi dyondzisanga hi vito ra wena ke? Xana a hi hlongolanga madimona hi vito ra wena ke? Xana a hi endlanga masingita layo tala hi vito ra wena ke? Enkarhini walowo ndzi ta vabyela rivaleni, a ndzi mi tivanga, ni siku na rin’we; sukani ka mina, n‘wina vadyohi.” (Mate 7:21-23)

Ntsena hikuva munhu a koxa Vukreste a swikali swivula leswaku u ponisiwile. Swingaleswi, lexi xo va xivutiso lexi xi nga erivaleni emiehleketweni ya hina: Xana Vutomi lebyi nga Heriki ndzi byi amukela njhani? Yesu u hi nyikile nhlamulo yin’wana na yin’wana yo olova ngopfu: Ndzi vurisile, ndzi vurisile, ndzi ri eka n’wina, La yingisaka rito ra mina, ava a pfumela ka la ndzi rhumeke, u ni vutomi lebyi nga heriki, kutani a ngaka a nga ti ku avanyisiweni, kambe u sukile kufeni eku nghena vuton’wini. (Yohana 5:24)

Khombo ra kona, kuna vanhu vantsongo emisaveni namuntlha lava va tsakelaka ku teka nkarhi eka masiku ya vona lawa ya nga bizi ku ta va ta yingisela Rito ra Xikwembu. Nakona i vantsongo lava va nga ta pfumela Rito loko va tava vari twile.

Tikereke ti hi byela leswaku hi fanele hi va vanhu va kahle, u ehleketa kahle, u nga hembi, ku xisa, kumbe ku yiva, nakona hi taya eTilweni. A va switwisisi leswaku tihele ti ta tala hi vanhu lava va tikombaka va hanya vutomi bya kahle. Mhaka ya ntiyiso hi leswaku a hi yi aTilweni hi swendlo swa hina leswo lulama kumbe hi ri xirho xa kereke yin’wana. Kova na ndlela yin’we ntsena ya Vutomi lebyi nga Heriki, nakona yaleyo i kuya hi Yesu Kreste. U hi lerisile leswaku hi boheka ku PFUMELA Rito ra Yena, leri ri nga Bibele. Handle ka swona, hi nga ponisiwa njhani?

Loko siku ra ku avanyisa ri ta mi fikela, mi ta twa leswaku, “Tanani, n’wina lava katekisiweke hi Tatana, amukelani ndzhaka ya ku fuma leyi mi nga lunghiseriwa kahari loko misava yi tumbuluka,” (Mate 25:34) kumbe mi tatwa leswaku, “Sukani ka mina, n’wina lava rhukaniweke, yanani ndzilweni lowu nga timekiki, lowu lunghiseriweke javulosi na tintsumi ta yena”? (Mate 25:41)

Tani hilaha mahlo ya n’wina ya hlayaka ya tsemekanya marito lawa, mi na xiboho lexi mi nga xi tekaka: Xana mi ta hlawula ku pfumela Rito ra Xikwembu xana?

Minkongomiso

Yobo 14:12-16

Hi mukhuva wolowo munhu u etlela a nga ha pfuki; ku ko ku hela matilo, a ngaka a nga ha pfuki, a ngaka a nga khindlimuki vurhongweni bya yena.

Yo! loko ngi u ndzi fihlile xivandleni xa vafi, u ndzi pfalela hi nkarhi, vukarhi bya wena byi ko byi hundza, u ndzi vekela siku leri u nga ta ndzi anakanya ha rona!

Loko ngi munhu la feke a nga tlhela a hanya? a ndzi ta yingisela hi masiku hinkwawo ya tinyimpi ta mina, kufikela nkarhini lowu timhaka ta mina ti nga hundzuka.

A wu ta ndzi vitana, a ndzi ta pfumela; a wu ta navela ntirho wa mavoko ya wena.

Kambe u hlaya vukandziyo bya mina; u siya swidyoho swa mina?

Yobo 19:23-26

Swangi loko marito ya mina ma nga tsariwa! Loko ngi ma tsariwa bukwini!

A ma tsariwe hi chizele ya nsimbhi ni hi nhumbu eribyeni, hilaha ku nga yiki helo!

Kambe ndza switiva leswaku Mukutsuri wa mina wa hanya, hikuva u ta pfuka misaveni ari yena wa ku hetelela;

Hambi nhlonge ya mina yi nga hlaseriwa hi swivungu, kambe ndzi ta vona Xikwembu ndzi ri enyameni.

Matewu 7:21-23

A hi hinkwavo lava nge ka mina, Hosi, Hosi, lava nga ta nghena eku fumeni ka matilo; kambe ku ta nghena la endlaka kurhandza ka Tata wa mina la nge matilweni.

Enkarhini wolowo van’wanyana va ta ku ka mina, Hosi, Hosi, xana a hi dyondzisanga hi vito ra wena ke? xana a hi hlongolanga madimona hi vito ra wena ke? Xana a hi endlanga masingita layo tala hi vito ra wena ke?

Enkarhini wolowo ndzi ta va byela rivaleni, ndzi ku; A ndzi mi tivanga ni siku rin’we; sukani ka mina, n’wina vadyohi.

Matewu 22:14

Hikuva lava vitaniweke vatele, kambe lava nga hlawuriwa a hi vangani.

Yohana 3:16-17

Hikuva Xikwembu xi rhandzile misava swonghasi, xi ko xi nyika N’wana wa xona la nga tswariwa ari swakwe, leswaku un’wana na un’wana la pfumelaka ka yena, a nga tshuki a lova, kambe a va ni vutomi lebyi nga heriki.

Hikuva Xikwembu a xi rhumanga N’wana wa xona emisaveni ku ta avanyisa misava; kambe hi leswaku misava yi ponisiwa ha yena.

Yohana 5:24

Ndzi vurisile, ndzi vurisile, ndzi ri ka n’wina, La yingisaka rito ra mina, ava a pfumela ka la ndzi rhumeke, u ni vutomi lebyi nga heriki, kutani a ngaka a nga ti ku avanyisiweni, kambe u sukile kufeni eku nghena vuton’wini.

I Vakorinto 2:9

Kambe kukota leswi tsariweke leswaku etimhaka teto, tinhlo ari si ti vona, endleve a yi si titwa, a ti humelelanga embilwini ya munhu, timhaka teto Xikwembu xi ti lungiseleke lava xi va rhandzaka.

I Vatesalonika 4:13-18

Kambe a ndzi rhandzi vamakwerhu, leswaku mi nga tivi timhaka ta lava tietleleke, mi nga ta vaviseka kukota van’wana lava nga riki na ku tshembha.

Hikuva loko hi pfumela leswaku Yesu u file a tlhela a pfuka, nakona, hi fanele ku pfumela leswaku lava etleleke, Xikwembu xi ta va pfuxa ha Yesu, xi va vuyisa na yena.

Hikuva ha mi byela leswi hi rito ra Hosi leswaku, loko hi ri hina, lava nga ta hanya, lava nga ta salela ku ta ka Hosi, hi ngaka hi nga rhangeli lava etleleke.

Hikuva yona Hosi hi xiviri yi ta xika hi le tilweni, hi huwa leyi lerisiweke, hi rito ra ndhuna ya ntsumi, ni mhalamhala ya Xikwembu, kutani lava feleke ka Kreste, va ta rhanga va pfuka;

Kutani hina lava hanyaka; lava hi salaka, hi ta tekeriwa mapapeni swin’we na vona, ku ya hlangana na Hosi empfhukeni; kutani hi mukhuva wolowo hi tava ni Hosi hilaha ku nga heriki.

Hikwalaho ke ma nga chavelelana hi marito walawo.