Nyonso ebandaki na bangomba ya Kentucky. Azalaki mwana moke mpenza ntango tata na ye akimaki mobeko pe amemaki libota na ye na Jeffersonville, na Indiana. Alobeli bimononeli na ye ya liboso pe ndenge Nkolo ayebisaki ye ete ábika bomoi ya peto. Abalaki molingami na ye pe azalaki kosepela na bomoi na ye ya elenge motei ná mosala ya malamu pe bana mibale, kasi na sima, mpasi ebetaki ye. Okotikala ndenge ozali te sima na koyoka ndenge Rev. William Branham azali kobeta lisolo ya bomoi na ye.

Basambeli ya lelo batei biso ete kozala Moklisto ezali kokóta na lingomba. Na bosolo, bibongiseli ekabolaka bato na bitónga ya mike-mike, pe ekotisaka botelemelani. Moto akoki kozua lobiko bobele kati na Klisto; ekoki te kozuama bobele na kokóma mondimi ya ebongiseli. Biso “Baklisto” totii nde bindimeli ná biyámbweli na esika ya boyokani ya moto ná Nkolo Yesu Klisto? Ntango ya kozonga na Biblia ekoki.

Tala eloko oyo bato mingi bakanisaka ete esalemaki na Elanga ya Edene: Nzambe ayebisaki Adama ná Eva été bália mbuma moko boye te. Nyoka “apengwisaki” Eva pe aliaki mbuma yango. Na sima Eva apesaki yango epai na Adama, ye pe aliaki yango, pe esalaki ete báyéba ete bazalaki bolumbu pe ememaki moto na kokweya. Mituna ya polele ezali: lolenge nini ya nyoka ekoki koloba, mpo na nini kolia mbuma esalaki ete bámóna bolumbu na bango, pe mpo na nini babotaki bana kaka sima na yango? Eyano ezali pete, pe liteya oyo elimboli yango.

Nayebi malamu ete nazali koloba na bato oyo, na ntongo oyo, bazali koleka na makambo yango. Naleká wana, mbala mingi, ngai moko pe. Ntango nazongaki nsima pe nalandelaki bomoi na ngai pe nabalolaki libanga moko na moko, soki namoni ete nasalaki likambo moko ya mabe, nazalaki kokende koyambola yango pe koloba: “Nkolo Nzambe, nakobongisa yango,” pe nakei kosala yango. Na nsima nazongi pe nalobi: “Sikawa, Nkolo, Ozali Nzambe; Okoyanola ngai. Ya solo nakokisi nyonso oyo Osengi ete násala. Pe bosenga nyonso, nakokisi yango.” Kasi Alingi kaka koningana te, lokola Afandi kimia, na ntango wana nde osengeli koyeba malamu ete Azali Nzambe. Kolemba nzoto te…

Eleki mibú nkóto mibale, Yesu Klisto apesaki bomoi na Ye mpo na moto nyonso oyo asílá kaya na mokili. Mokolo wana na Kalvari elingi koloba nini mpo na moko moko na biso? Epesaki na biso nyonso libaku ya kozua Bomoi na Seko. Soki motema na yo ezali na mposa ya boyokani ná Mobikisi na yo, na bongo, oyo nde esika oyo ebongi mpo na kobanda.

Etinda ya William Branham kouta na Nzambe ebandisaki kolamuka ya lobiko na nzoto na mokili mobimba na suka ya ba-1940 kino na ba-1950. Ba-evangeliste lokola Oral Roberts, T.L. Osborn, pe Jack Coe balandaki matambe na ye pe babongolaki lolenge ya Baklisto. Tala ndenge nyonso wana ebandaki.