அது முழுவதும் கென்டக்கி மலையில் துவங்கின. அவருடைய தகப்பனார் சட்டத்திற்கு புறம்பாக ஓடி, தன்னுடைய குடும்பத்தை இந்தியானாவிலுள்ள ஜெபர்ஸன்வில்லுக்கு குடிபெயர்ந்து கொண்டு சென்றபோது, அவரோ ஒரு சிறு பையனாயிருந்தார். அவர் தன்னுடைய முதல் தரிசனத்தில் கர்த்தர் எப்படி ஒரு சுத்தமான வாழ்க்கை வாழ வேண்டும் என்று கூறினார் என்பதையும், அவர் தன்னுடைய காதலியை மணம்புரிந்து, ஒரு வாலிப ஊழியக்காரனாய் ஒரு நிரந்தரமான பணியில் இருந்துகொண்டு தன்னுடைய இரண்டு பிள்ளைகளோடு ஒரு மகிழ்ச்சியான வாழ்க்கையை அனுபவித்துக்கொண்டிருந்தார் என்பதையும், ஆனால் அதன் பின்னர் சோகம் தாக்கினது என்றும் கூறுகிறார். சங்கை வில்லியம் பிரான்ஹாம் தன்னுடைய சுய சரிதையைக் கூறுவதை நீங்கள் கேட்டபிறகு நீங்கள் ஏற்கெனவே இருந்துவந்த நபராக இருக்கமாட்டீர்கள்.

நவநாகரீக மத உலகம் ஒரு கிறிஸ்தவனாயிருப்பது ஒரு சபையை சேர்ந்துகொள்ளுதல் என்றே நமக்கு போதித்துள்ளது. உண்மையில் ஸ்தாபனங்கள் ஜனங்களை பல்வேறுபட்ட பிரிவுகள் மற்றும் வழிபாட்டு மரபுகளுக்குள்ளாக பிரித்து வைத்து, நம்மை ஒருவருக்கு ஒருவர் விரோதமாகியுள்ளது. இரட்சிப்பு கிறிஸ்துவுக்குள்ளாக மாத்திரமே கண்டறியப்பட முடியும்; அது சாதாரணமான ஒரு ஸ்தாபன அங்கத்தினராவதன் மூலம் கண்டறியப்பட முடியாது. "கிறிஸ்தவர்களாகிய" நாம் கர்த்தராகிய இயேசு கிறிஸ்துவோடு கொண்டிருக்க வேண்டிய தனிப்பட்ட உறவுமுறைக்குப் பதிலாக கொள்ளைகளையும், அபிப்பிராயங்களையும் மாற்றீடு செய்துகொண்டோமா? இது வேதாகமத்திற்கு திரும்பிச் செல்ல வேண்டிய நேரமாயுள்ளது.

இதுதான் ஏதேன் தோட்டத்தில் சம்பவித்தது என்று பெரும்பாலான ஜனங்கள் கருதுகிறார்கள்; அதாவது ஒரு குறிப்பிட்ட பழத்தை சாப்பிடக் கூடாது என்று தேவன் ஆதாம், ஏவாளிடம் கூறினார். அப்பொழுது சர்ப்பம் அந்தப் பழத்தை சாப்பிடுவதில் ஏவாளை "வஞ்சித்து", அதன் பின்னர் ஏவாள் அதை ஆதாமுக்குக் கொடுத்தாள். அவனும் அதைப் புசித்தான். அதுவே அவர்கள் நிர்வானிகள் என்பதை அறிந்துகொள்ளவும், மானிட வர்க்கத்தின் வீழ்ச்சிக்கு வழிநடத்த காரணமாயிருந்தது என்றும் கருதுகிறார்கள். வெளிப்படையான கேள்விகள்! எந்தவிதமான ஒரு சர்ப்பத்தினால் பேச முடியும்? தாங்கள் நிர்வாணிகள் என்று அறிந்துகொள்ளும்படியாக தங்கள் கண்களைத் திறக்கக்கூடிய கனியை ஏன் புசித்தனர்? இதற்கு பின்னர் அவர்கள் ஏன் உடனடியாக பிள்ளைகளைப் பெற்றுக் கொள்கின்றனர்? பதிலோ எளிமையானதாயுள்ளது. இந்த செய்தி அதை விளக்குகிறது.

அத்தகைய நிலையையடைந்துள்ள ஜனங்களிடம் இன்று காலை நான் பேசிக்கொண்டிருக்கிறேன் என்று நான் நிச்சயமுடையவனாயிருக்கிறேன். நானும் கூட அநேக முறை அந்நிலையையடைந்திருக்கிறேன். என் வாழ்க்கையை நான் ஒவ்வொன்றாக ஆராய்ந்து பார்த்து, நான் ஏதாவது தவறு செய்துவிட்டேன் என்று காணும்போது, அதை நான் அறிக்கை செய்து, "தேவனாகிய கர்த்தாவே, அதை நான் சரிசெய்துவிடுகிறேன்" என்று கூறிச் சென்று, அப்படியே செய்வேன். மறுபடியுமாக அவரிடம் வந்து, "கர்த்தாவே, நீரே தேவன்; நீர் இப்பொழுது பதிலளிப்பீர். நான் செய்ய வேண்டுமென்று நீர் எதிர்பார்த்த ஒவ்வொன்றையும் நான் செய்து முடித்துவிட்டேன், உமது தேவைகள் அனைத்தையும் நான் சந்தித்துவிட்டேன்" என்பேன். அப்பொழுது அவர் அசையாமல், மௌனமாயிருப்பார். அப்படிப்பட்ட நேரத்தில்தான் அவர் தேவன் என்னும் நிச்சயத்தை நீங்கள் கொண்டிருத்தல் அவசியம். நீங்கள் அதைரியப்பட வேண்டாம்...

இரண்டாயிரம் ஆண்டுகளுக்கு முன்னர் இயேசு கிறிஸ்து இப்புவிகிரகத்தில் நடந்துள்ள ஒவ்வொரு மானிடனுக்காகவும் தம்முடைய ஜீவனை அளித்தார். நம் ஒவ்வொருவருக்கும் கல்வாரியின் அந்தநாள் எதைப் பொருட்படுத்தினது? அது நாம் யாவரும் நித்திய ஜீவனை பெற்றுக்கொள்ளும்படியான தக்க தருணத்தை அளித்தது. உங்களுடைய இருதயம் உங்களுடைய இரட்சகரோடு ஒரு தனிப்பட்ட உறவினை கொண்டிருக்க வேண்டுமென்ற ஆழ்ந்த விருப்பத்தைக் கொண்டிருந்தால், அப்பொழுது இதுவே துவங்குவதற்கான ஒரு நல்ல இடமாய் உள்ளது.

தேவனிடத்திலிருந்து வந்த வில்லியம் பிரான்ஹாமினுடைய கட்டளை தீப்பொறியாக உலகளாவிய சுகமளிக்கும் எழுப்புதலை கடந்த 1940 மற்றும் 1950-ம் ஆண்டின் தொடர் வருடங்களில் எழுப்பியது. சுவிசேஷகர்கள் ஓரல் ராபர்ட்ஸ், T.L.ஆர்ஸ்பான், ஜேக்கோயி போன்றவர்கள் அவருடைய அடிச்சுவடுகளைப் பின்பற்றி, கிறிஸ்தவ உலகத்தின் நிலையையே மாற்றினர். இந்தவிதமாகத்தான் அவை யாவும் துவங்கின.