Ntho eohle e qalile maralleng a Kentucky. Esale moshanyana ntatae o ne a balehe molao eaba o fallisetsa lelapa la hae Jeffersonville, Indiana. O pheta tsa lipono tsa hae tsa sethathong le kamoo Morena a mo boleletseng ho phela bophelo bo hloekileng. A nyala moratuoa oa hae ʾme a phela bophelo bo thabileng esale moreri e mocha a sebetsa mosebetsi o tsitsitseng a ena le bana ba babeli, empa eaba ho fihla koluoa. U ke ke ua tšoana kamora hoba u mamele Mor. William Branaham a pheta pale ea bophelo ba hae.

Lefatše la bolumeli ba joale le re rutile ho ba Mokreste e le ho ingolisa le kereke. Ho bua ʾnete, liphutheho tsa malumeli li arola batho ka maquloana le ka mekha, ʾme lia re qabanya. Pholoso e ka fumanoa ho Kreste feela; e ke ke ea fumanoa ka ho fetoha setho sa mokhatlo oa bolumeli. Na ebe rōna “Bakreste” re anantse kamano ea Morena Jesu Kreste le motho ka bomong ka litumeloana le ka lihlomathiso? Ke nako ea ho khutlela morao Bibeleng.

Ke sena seo boholo ba batho bo se hopolang se hlahile Tšimong ea Edene: Molimo o laetse Adama le Eva ho se je tholoana ea mofuta. Noha e ne e “thetse” Eva ho ja tholoana. Eaba Eva o neha Adama, le eèna a etsa joalo, taba e ba tsebisitseng hobane ba feela ʾme eaba morabe ohle oa batho o oela tlolong. Lipotso tse totobetseng ke tsena: ke noha ea mofuta mong e khonang ho bua, hobaneng ho ja tholoana ho butse a bona mahlo hore ba feela, ʾme hobaneng hang kamora mona ba fumane bana? Karabo e bonolo, ʾme thero ena e araba taba ena.

Kea kholoa hoseng hona ke bua le batho ba kileng ba fihla nqalong eo. Nkile ka fihla mono ka bonna. Athe ke bile ka menahana le mohlala oa bophelo ba ka ʾme ka phethola lejoe lefe le lefe, ʾme haeba ke iphumane nkile ka etsa letho, ke tlohe ho ea ipolela ʾme ke re, “Morena Molimo, ke tla e lokisa,” ebe ke tloha ho ea e etsa. Ke ntano khutla le ho re, “Joale, Morena, U Molimo; U tla nkarabela. Ruri ke phethisitse tlhoko eohle eo U e batlileng ho ʾna ho etsoa. ʾMe tlhoko e ʾngoe le e ʾngoe, ke e phethisitse.” ʾMe le joale A hane ho tsamaea, a bonahale a ituletse ka khutso; ke mohla u tlamehang ho kholiseha hore Ke Molimo. U se ke ua tepella…

Lilemo tse likete tse peli tse fetileng, Jesu Kreste o nehelane ka bophelo ba Hae ho mang le mang ea kileng a tsamaea holima phikoloho ea Lefatše. Ebe letsatsi leo holima Kalvari le bolelang ho mang le mang oa rōna? Le re file monyetla oa ho amohela Bophelo Bosafeleng. Haeba pelō ea hao e tsetselela kamano le Mopholosi oa hao, nqalo ena e molemo ho uena ho qalisa.

Thomo ea William Branham ho tsoa ho Molimo e hotelitse tsoseletso ea pholiso e eang lefatšeng ka bophara ho ella mafelong a bo 1940 le bo 1950. Baboleli ba kang Oral Roberts, T.L. Osborne, le Jack Coe ba ile ba hata mehlaleng ea hae ʾme ba fetola sefahleho sa Bokreste ba lefatše. Ntho eohle e qalile ka mokhoa ke ona.