Ise tiyowoye kuti chithu “chakukhazikika” chisambizgo cha Baibolo liŵenge Baibolo, kufuma Genesis kufika Chivumbuzi. Fundo yithu ya chipulikano yingamanya kuyowoyeka mwakufupikiska ngati ntheura : Ntha chigomezgo cha munthu kweni Khristu; ntha lamuro kweni chitemwa; ntha buku kweni Baibolo.

Inya! Ŵakhristu ŵakwenera kugomezga Mazgu ghose gha Chiuta; ndicho chifukwa ise tikuruta ku tchalitchi na kuŵazga maBaibolo ghithu. Ntchifukwa uli imwe mugomezgenge chigaŵa cha Baibolo na kuyowoya kuti Yesu wakafwira zakwananga zinu, na kuzerezga umo kwananga kukayambira mu Munda wa Eden?

Thupi la Khristu ntha ndi chakusopeka panji bungwe, ndipo chakutiyenerezga chekha pera cha umembara ndi chakuti imwe mugomezge pa Fumu Yesu. Kwenjerwa chara za kumanyiskika kwinu panji kulembanga mapepala na mpingo wa boma. Gomezgani waka Mazgu, ndipo Fumu yipwererenge vinyakhe vyose.

Ise ntha ndise bungwe la mpingo, kweni ise tikutumikira masauzandi gha mipingo na mamiliyoni gha ŵanthu payekhapayekha kuzungulira charu pakuchita kuŵapasa iwo fundo zakukhazikika za usopi. Ntchito yithu ndi kuchiska ŵanthu kuti ŵasenderere kufupi kwa Fumu Yesu pakuchita kupanga Ivangeli Lakhe lifike kwa waliyose pa charu chapasi.

Usange imwe mungamusanga chara munyakhe wakuti wamubapatizani imwe mu Zina la Fumu Yesu Khristu, titumizgirani ise email pamoza na chigaŵa chinu ndipo ise titumizgenge kwa imwe mndandanda wa matchalitchi mu chigaŵa chinu awo ŵangamubapatizani imwe makora. Kumbukirani, kwakulingana na Baibolo ndi chakuzirwa kubapatizika mu Zina la Yesu, ndipo ntha mu maudindo gha Dada, Mwana, na Mzimu Mutuŵa.

Fumu Yesu wakati, “Kweruzga chara, kuti imwe mukaleke kweruzgika.” Kulije munthu wali na mazaza kuyeruzga chiponosko. Yesu wakayowoyaso kuti, “Uyo wakugomezga ndipo wabapatizika waponoskekenge; kweni uyo ntha wakugomezga wasuskikenge.” Ntheura chirije kanthu usange iwe ndiwe wa Katolika, Baptist, panji wa Pentekoste; usange iwe ukugomezga pa Fumu Yesu Khristu ntheura iwe uponoskekenge.

Voice Of God Recordings, Inc. utumiki wa ku mipingo yakupambanapambana uwo uli kupatulikira ku kutandazga Ivangeli la Fumu Yesu Khristu. Chiyambi chikuru cha fundo zakukhazikika izo ise tikugaŵa ndi maupharazgi ghakujambulika gha chipondi William Marrion Branham, muprofeti wa Chiuta ndipo muneni wakumanyikwa charu chose chapasi. Vyakutandazgira vithu ndi ma MP3 CDs, DVDs, mavideo, masoftware, mabuku, magazini, tumabuku, mafoto, maripoti ghakudindika, na websites.

Mliska Branham wakaŵa muneni wakumanyikwa charu chose chapasi uyo wakaŵa mu chigaŵa cha umishonare kufuma pafupifupi 1947 kufika 1965. Ntha iyo wakarongozgera pera mamiliyoni kwa Khristu, kweni Chiuta wakakhozgera utumiki wakhe na minthondwe yambura kuŵerengeka. Malo ghamupasaninge imwe jando la utumiki wakhe.

Ilo ndi fumbo liweme, ndipo limoza ilo ise tikhumbenge kuti tifumbe mipingo yikuruyikuru yose ya muhanyauno. Chiuta wakatuma muprofeti! Ntchifukwa uli waliyose ntha wakuyowoya za ichi? Iwo ŵayeneranga kuchita.

Pa chifukwa chenechira icho Joshua wakaŵikira chididimizgo chikuru chomene pa Moses. Moses wakaŵa muprofeti uyo wakiza na Uthenga kufuma kwa Chiuta. M’bale Branham wakachita chinthu chenechira.

Paulos wakayowoya mu 1 Ŵakorinte 11:15: “Kweni usange mwanakazi wali na sisi litali, ili ndi uchindami kwa iyo: pakuti sisi lakhe liri kupika kwa iyo kuŵa chidiko.” Paulos wakayowoyaso kuti ŵanakazi ŵakwenera “kujivwarika iwoŵene mwakwenerera…” ndipo Moses wakati, “Mwanakazi ntha wavwarenge icho ntcha mwanarumi.” Usange Baibolo likuyowoya ichi, ntheura Ŵakhristu ŵaneneska ŵagomezgenge ichi.

Imwe musangenge ma website kupatulikira ku kukananga kalikose na chirichose, kusazgirapo Baibolo. Ise tikupempha waka mwakuphweka kuti imwe muyeruzge Uthenga ise tapereka kwa imwe kugwiriska ntchito Mazgu gha Chiuta, ndipo ntha kugwiriska ntchito mazgu ghakukakamizga agho ngapusu chomene kughasanga pa internet. Kumbukirani, kulije yumoza munyakhe wakunyozeka chomene kujumpha Fumu Yesu. Usange iwe ukuchita chinyakhe chiweme, ntheura iwe ukhazge kususkika.

Wonani palije palipose pa website iyi kuti muŵikepo wovwiri. Para nyengo yafika kuti ise tichitenge kupempheska ndalama, ntheura nyengo yakwana kuti utumiki uwu umare. Uwu ntha ngwakupenja ndalama, uwu ngwakutorera mauzima kwa Yesu Khristu.

Baibolo likuti, “chipulikano chikwiza pa kupulika,” ntheura ise tikumulimbikiskani imwe kuti murutirizge kutegherezganga. Ise tiri na maupharazgi ghakujambulika ghakujumpha 1,200 recorded sermons ghalipo agho mungatora kwaulere. Ise tingamanya kumutumizgirani imwe fundo zakukhazikika mu kalata usange imwe muli na suzgo kutorera vyakuŵazga pa machini.

www.branham.org yikutumizga nkhani za zuŵa lirilose na maukaboni kukhwaskana na utumiki withu. Ise tikumuchemani imwe kuti mutiyendere ise zuŵa lirilose na kuŵazga maripoti kufuma ku ŵakugomezga charu chose chapasi. Imwe panji mungazukuma pa vinthu vinandi vilinga vikuruvikuru Fumu Yesu wakuchita sono nthena, mu nyengo iyi yasono.