Inga twaamba kuti njiisyo yesu ya mbungano “yamulao” inga lyaba Bbaibbele, kuzwa ku Matalikilo kusikaku Ciyubunuzyo. I bulunguluzi bwesu bwini ibwa lusyomo inga bwabikkwa mubufwaafwi mbuli obu: Kwiina kansiyansiya cita Kristo; kwiina mulao cita lluyando; kwiina bbuku cita Bbaibbele.

Iiyi! Banakristo beelede kusyoma Ijwi lya Leza lyoonse; ako nke kaambo tulaunka ku cikombelo a kubala Mabbaibbele esu. Nkaambo nzi nconga wasyoma cibeela ca Bbaibbele eco caamba kuti Jesu wakafwida zibi zyako, a kutabikkila maanu nzila cibi mbo cakatalika mu Muunda wa Edeni?

I Mubili wa Kristo takali kabunga na bukombi buyaama kumuntu, alimwi bumembala buyo buyandika kuli nduwe nkusyoma ku Mwami Jesu. Uta pengi kujatikizya kulizibya kwako na kukkwanya ku bweendelezi bwa mbungano. Kosyoma buyo Ijwi, nkabela Mwami uyo mamela zimwi.

Ta tuli kabunga ka mbungano, pele tubelekela zyuulu zya mambungano a mamilioni a bantu koonse ku nyika kwiinda ku kubapa zyakubelesya zyabukombi. Bukanze bwesu bupati nkuyumya bantu kuti baswene maningi ku Mwami Jesu kwiinda mu kubamba Makani mabotu Aakwe kujanika ku bantu boonse aatala aa nyika.

Ikuti na tokonzyi kujana muntu umwi waku kubapatizya mu Zina lya Mwami Jesu, kotu tumina emewo a busena bwako bwini nkabela tuyo kutumina mazina aalembedwe aa mambungano mu busena bwako bwini ayo akonzya ku kubapatizya bweelede. Koyeeya, kweendelena a Bbaibele cila yandika kubapatizigwa mu Zina lya Jesu, a kutali mu mabande akwa Taata, Mwana, a Muuya Uusalala.

I Mwami Jesu wakati, “Uta beteki, kutegwa uta betekwi.” Taakwe muntu uujisi bwami bwa kubeteka lufutuko. Jesu akwalo wakati, “Oyo uusyoma a kubapatizigwa uyo futuka; pele oyo uutasyomi uyo zulwa.” Aboobo tacikwe makani na uli muna Katolika, Baptisti, na Pentekoste; ikuti na ulasyoma ku Mwami Jesu Kristo nkokuti uyo futuka.

Voice Of God Recordings, Inc. mulimo waabamwa a tubungwe tunji oyo utuulidwe ku kutola aambela Makani mabotu aa Mwami Jesu Kristo. I kuzwida zyakubelsya kupati nzo tumwaya ni nkambauko zyaka rekordwa zya sikwaazwa William Marrion Branham,musinsimi wa Leza a muvangeli wakazuminwa ku masi oonse. Kusika kwesu ku masena kujatikizya ma MP3 CD, ma DVD, mavidio, sofutiweya, mabbuku, mamagazini, tubbuku, zifoto, bulembo bwamakani, a mawebbusaiti.

Mufundisi Branham wakali muvangeli wakazizilwe ku nyika oyo wakali mu mulimo wa bumissionari kuzwa kutandila 1947 kusikaku 1965. Taka sololela buyo mamilioni kuli Kristo, pele Leza wakasimpikizya mulimo wakwe kwiinda ku maleele aatabaliki. Oku kuswaangana kuyo kupa kuzibya ku mulimo wakwe.

Oyo mubuzyo mubotu, a umwi ngotunga twa yanda kubuzya mizeezo iizizilwe ya mambungano mapati aa sunu. Leza wakatuma musinsimi! Nkaambonzi bantu boonse ncoba ta mukanani? Ba leelede.

Ku kaambo nkakonya ako Joshua nka kabikka kwaambilisisya loko aali Musa. Musa wakali musinsimi oyo wa kaleta Mulumbe kuzwa kwa Leza. Mukwesu Branham wakacita cintu nciconya.

Paulo wakati mu I Bakorinto 11:15: “Pele ikuti na mwanakazi kajisi masusu malamfu, mbulemu kuli nguwe: nkambo masusu aakwe akapegwa kulinguwe kuba civumbyo.” Paulo akwalo wakati banakazi beelede “kuli bamba beni mu zikobela zyabulemu…” alimwi Musa wakati, “I mwanakazi takasami eco ca mwaalumi.” Ikuti na Bbaibbele lila caamba, nkokuti Banakristo ba kasimpe bayo cisyoma.

Uyo jana ma webbusaiti atuulidwe ku kukazya kufumbwa cintu a zintu zyoonse, kusanganya a Bbaibbele. Tu kulomba buyo kuti uubeteke Mulumbe ngo twatondezya kuli nduwe kwiinda ku Ijwi lya Leza, a kutali kwiinda ku koongelezya kwabuyo oko kutete loko kujanwa aa intaneti. Koyeeya, kwiina muntu omwe waka lengelezegwa twaambo twakusampaulwa kwiinda Mwami Jesu. Ikuti na uli mukucita cintu cimwi ciluleme, mpawo inga walangila kujanwa butongo.

Kobona kuti kwiina busena aa webbusaiti eyi akubambila kusanga. Calo ciindi casika kuti tweelede ku lombelela mali, nkokuti nciindi ca mulimo oyu kusika ku mamanino. Oyu taujatikizyi zya mali, kwalo nkujatikizya kutola bantu ku Mwami Jesu.

I Bbaibbele lilati, “lusyomo lulaboola kwiinda ku kuswiilila,” aboobo tu kuyumya kuzumanana ku swiilila. Tuli jisi nkambauko zyaka rekordwa ziinda ku 1,200 ziliko zipegwa buyo kukucita daunilodi. Inga twa kutumina cakubelesya mu mposo ikuti na ujana penzi ku kucita daunilodi mafailo aa makkompyuta.

www.branham.org ilatumina makani mazuba oonse a bumboni buswaangene a mulimo wesu. Twa kutamba kutuswaya mazuba oonse a kubala bulunguluzi kuzwa ku basyomi nyika yoone. Inga wagambwa kunzila zintu zinji zipati Mwami Jesu nzyali mukucita ndyoonya eno, mu buzuba obu bwasunu.