പഴയനിയമത്തിലെ ഏറ്റവും അവസാന വാക്കുകൾ ഈ വാഗ്ദാനം നൽകുന്നു, “യഹോവയുടെ വലുതും ഭയങ്കരവുമായ നാൾ വരുന്നതിനു മുമ്പെ ഞാൻ നിങ്ങൾക്കു ഏലീയാപ്രവാചകനെ അയക്കും. ഞാൻ വന്നു ഭൂമിയെ സംഹാര ശപഥംകൊണ്ടു ദണ്ഡിപ്പിക്കാതിരിക്കേണ്ടതിന്നു അവൻ അപ്പന്മാരുടെ ഹൃദയം മക്കളോടും മക്കളുടെ ഹൃദയം അപ്പന്മാരോടും നിരപ്പിക്കും.” (മലാഖി 4:5-6)
ആ വലുതും ഭയങ്കരുവുമായ നാൾ ഇനിയും വരാനുള്ളതാണ്, ആകയാൽ നാം ആത്മാർത്ഥതയോടെ ഏലീയാ പ്രവാചകനെ നോക്കേണ്ടതുണ്ട്. ബൈബിളിൽ, പ്രവാചകന്മാർ സംഘടിതവും മതപരവുമായ അനേകർ പങ്കെടുക്കാറുള്ള സംഘടനയിലേയ്ക്ക് വരാറില്ലായിരുന്നു. അവർ തിരഞ്ഞെടുക്കപ്പെട്ട ചിലരുടെ അടുക്കലേയ്ക്കേു വരാറുള്ളൂ. മലാഖി 4-ൽ പറയപ്പെട്ടിരിക്കുന്ന പ്രവാചകൻ വരികയും, അവനെ വിട്ടുകളഞ്ഞു എന്നതിനെയും കുറിച്ച് ചിന്തിച്ചുനോക്കുവിൻ. അവൻ പഴയ നിയമത്തിലെ പ്രവാചകന്മാരെപ്പോലെയായിട്ട്, ഒരു കൈ നിറയെ ജനങ്ങളെ അവനെ തിരിച്ചറിഞ്ഞുള്ളൂ? ഈ അവസാന നാളുകളിൽ ഈ പ്രാവാചകൻ തിരികെ വന്നാൽ നമുക്ക് എങ്ങനെ അവനെ അറിയാൻ സാധിക്കും? അതിന്റെ ഉത്തരം വചനത്തിൽ സ്പഷ്ടമായി കാണാനാകും. അവന് ഒരു പ്രവാചകന്റെ പ്രാകൃതം ഉണ്ടായിരിക്കും. അവന് ഹൃദയ രഹസ്യങ്ങളെ തിരിച്ചറിയാനാകും. അവൻ അത്ഭുതങ്ങളെ പ്രവർത്തിക്കും. മതപരമായ സംഘട നകൾ അവന് മാനഹാനിവരുത്താൻ പരിശ്രമിച്ചു കൊണ്ടിരിക്കും. എന്നാലോ തിരഞ്ഞെടുക്കപ്പെട്ട ഒരുകൂട്ടർ അവൻ ആ കാലത്തേയ്ക്ക് വാഗ്ദത്തം ചെയ്യപ്പെട്ടിരുന്ന സന്ദേശവാഹകനാണെന്ന് തിരിച്ചറിയും.
ഏലീയാവ് തിരികെ വരുമ്പോൾ നാം എങ്ങനെ അറിയും? അവനെ നാം തിരിച്ചറിയാനായി അവൻ എന്തുതരം പ്രത്യേക സ്വഭാവ സവിശേഷത പ്രകടിപ്പിക്കും?
ഏലീയാവ് വനാന്തരം ഇഷ്ടപ്പെട്ടിരുന്ന ഒരു മനുഷ്യനായിരുന്നു. അവന്റെ മിനിസ്ട്രിയിൽ മഹത്തായ അത്ഭുതങ്ങളും അടയാളങ്ങളും അവനെ പിമ്പറ്റിയിരുന്നു. അവന്റെ സമയത്തുള്ള പാപങ്ങൾക്കു വിരുദ്ധമായി അവൻ പ്രസംഗിച്ചിരുന്നു. പ്രത്യേകിച്ചും രാജ്ഞിയായിരുന്ന ഈസബേലിന്റെ അസാന്മാർഗ്ഗിതയ്ക്കു എതിരായി പ്രസംഗിച്ചിരുന്നു. ഏലീയാവ് അഗ്നി രഥത്തേരുകളാൽ സ്വർഗ്ഗത്തേയ്ക്ക് എടുക്കപ്പെട്ടപ്പോൾ, അവന്റെ ആത്മാവോ എലീശയുടെ മേൽവീണു. അതിനുശേഷം എലീശായുടെ മിനിസ്ട്രിയിലും മഹത്തായ അത്ഭുതങ്ങളും അടയാളങ്ങളും ഉണ്ടായതായും, അവൻ ലോകത്തിലെ പാപത്തിന്നു വിരുദ്ധമായി പ്രസംഗിച്ചിരുന്നു. രണ്ടു പ്രവാചകന്മാരും ആ ദിവസങ്ങളിലുണ്ടായിരുന്ന മതപരമായ സംഘടനകൾക്കു വിരുദ്ധമായി നിന്നിരുന്നു. നൂറു കണക്കിനു വർഷങ്ങൾ കഴിഞ്ഞപ്പോൾ അതേ ആത്മാവു തന്നെ ഭൂമിയിലേയ്ക്ക് യോഹന്നാൻ സ്നാപകനുമേൽ വന്നതായി കാണുന്നു. കർത്താവിനെ പരിചയപ്പെടുത്താനായി ഏലിയാവിന്റെ ആത്മാവ് തിരികെ വരും എന്നു മലാഖി പ്രവചിച്ചിരുന്നു. “എനിക്കു മുമ്പായി വഴി നിരത്തേണ്ടതിന്നു ഞാൻ എന്റെ ദൂതനെ അയയ്ക്കുന്നു…” (മലാഖി 3:1). ദൈവ മക്കളുടെ ഇടയിൽ മാനസാന്തരം അറിയിക്കാനായി യോഹന്നാൻ സ്നാപകൻ ഉളവായി എന്നത് വാസ്തവമായ കാര്യമായിരുന്നു. ഏലീയാവിനെപ്പോലെ അവൻ അന്നത്തെ നൂതന മത സംഘടനകൾക്കും രാജാക്കന്മാർക്കും വിരുദ്ധമായി പ്രസംഗിച്ചിരുന്നു. മത്തായി (11:10) സുവിശേഷത്തിൽ കർത്താവായ യേശു മലാഖി 3-ൽ പറയപ്പെട്ടിരുന്ന ഏലീയാവ് യോഹന്നാൻ തന്നെയാണെന്നു തീർച്ചപ്പെടുത്തിയിരിക്കുന്നു. “ഞാൻ എന്റെ ദൂതനെ നിനക്കു മുമ്പായി അയക്കുന്നു; അവൻ നിന്റെ മുമ്പിൽ നിനക്കു വഴി ഒരുക്കും.” ലൂക്കൊസ് 1:17 പറയുന്നത് ഏലീയാവിന്റെ ആത്മാവ് യോഹന്നാൻ സ്നാപകന്റെ മേൽ ആയിരിക്കും എന്നതാണ്, അവൻ അപ്പന്മാരുടെ ഹൃദയങ്ങളെ മക്കളിലേക്കും വഴങ്ങാത്തവരെ നീതിമാന്മാരുടെ ബോധത്തിലേക്കും തിരിച്ചുംകൊണ്ട് ഒരുക്കമുള്ളോരു ജനത്തെ കർത്താവിനു വേണ്ടി ഒരുക്കുവാൻ അവന്നു മുമ്പായി ഏലീയാവിന്റെ ആത്മാവോടും ശക്തിയോടുംകൂടെ നടക്കും. നോക്കൂ മലാഖിയിൽ പറയപ്പെട്ടിരിക്കു ന്നതിന്റെ രണ്ടാം ഭാഗം ഇനിയും സംഭവിക്കേണ്ടതായിട്ടുണ്ട്: “…ഞാൻ വന്ന് ഭൂമിയെ സംഹാരശപഥംകൊണ്ട് ദണ്ഡിപ്പിക്കാതിരിക്കേണ്ടതിന്നു അവൻ അപ്പന്മാരുടെ ഹൃദയം മക്കളോടും മക്കളുടെ ഹൃദയം അപ്പന്മാരോടും നിരപ്പിക്കും.” ക്രിസ്തുവിന്റെ രണ്ടാം വരവിന്നു മുന്നോടിയായി വചനത്തിന്റെ ആ ഭാഗത്തിനു നിവൃത്തി വരേണ്ടതായിട്ടുണ്ട്.
യോഹന്നാൻ സ്നാപകൻ വന്നു കഴിഞ്ഞു രണ്ടായിരം വർഷങ്ങൾക്കു ശേഷം, ഇതാ വീണ്ടും ഏലീയാവിന്റെ ആത്മാവ് ഭൂമിയിലേയ്ക്ക് തിരികെ വരുവാനുള്ള സമയമായി.
ആ ദിവസം വന്നുകഴിഞ്ഞു! ഈ കാലത്തിൽ, ഏലീയാവിന്റെ ആത്മാവ് തിരികെ വന്നതായി നാം കണ്ടു കഴിഞ്ഞു. അവൻ നൂതന വിഭാഗീയ സഭയെ defied ചെയ്തു. അവൻ ലോകത്തിന്റെ പാപങ്ങൾക്കു വിരുദ്ധമായി നിലകൊണ്ടു. അവൻ എണ്ണാൻ കഴിയാനാകാത്തവണ്ണം അത്ഭുത അടയാളങ്ങൾ കാണിച്ചു. അവൻ ബൈബിളിലെ വചനം-വചനമായി ഉല്പത്തി മുതൽ വെളിപ്പാടുവരെ പ്രസംഗിച്ചു. മലാഖി 4-ൽ പറയപ്പെട്ടിരുന്ന പ്രവാചകൻ വരികയും, അവൻ സർവ്വശക്തനായ ദൈവത്തിന്റെ സിംഹാസനത്തിൽ നിന്നും ഒരു സന്ദേശത്തെ കൊണ്ടു വന്നു. ആ പ്രവാചകന്റെ പേർ വില്യം മാരിയൻ ബ്രൺഹാം എന്നാണ്. ഞങ്ങൾ അദ്ദേഹത്തെ ബ്രദർ ബ്രൺഹാം എന്നു വിളിക്കുന്നു.
“വില്യം മാരിയൻ ബ്രൺഹാമിനെ, ഞാൻ സ്നേഹിക്കുകയും, ദൈവ ത്തിന്റെ പ്രവാചകനാണെന്നു വിശ്വസിക്കുകയും ചെയ്യുന്നു.”
ഓറൽ റോബർട്ട് യൂണിവേഴ്സിറ്റിയുടെ സ്ഥാപകനും ലോക പ്രശസ്ത സുവിശേഷ കനുമായി, ഓറൽ റോബെർട്ട്.
“ദൈവത്തിന്റെ പ്രവാചകനായി വില്യം മരിയൻ ബ്രൺഹാം നമ്മുടെ വഴിയിലേയ്ക്ക് വരികയും ഇരുപതാം നൂറ്റാണ്ടിലേയ്ക്കുള്ളതായി നാം തിരുവചനങ്ങളിൽ കാണുന്ന കാര്യങ്ങളെ നമുക്ക് സൂഷ്മമായി കാണിച്ചു തന്നു…ദൈവം തന്റെ ജനങ്ങളെ സന്ദർശിച്ചു, എന്തെന്നാൽ ഒരു മഹാനായ പ്രവാചകൻ നമ്മുടെ ഇടയിൽ എഴുന്നേറ്റിരിക്കുന്നു.”
പ്രഗത്ഭനായ എഴുത്തുകാരനും പെന്തെക്കോസ്ത് സുവിശേഷകനുമായ, ഡോക്ടർ. റ്റി.ഐ. ഓസ്ബോണെ.
“ഒരു വ്യക്തിക്കായി പ്രാർത്ഥിക്കുന്നതിനു മുമ്പ്, ആദ്ദേഹം ആ വ്യക്തിയിലെ ഒരു ചെറിയ രോഗമെന്താണെന്നും, മാത്രമല്ല അവരുടെ ജീവിതത്തിന്റെ വിവരണങ്ങളും പറഞ്ഞിരുന്നു - അവർ താമസിക്കുന്ന പട്ടണത്തിന്റെ പേർ, അവരുടെ ചെറുപ്പത്തിലു ണ്ടായിരുന്ന പ്രവൃത്തികളും പറഞ്ഞിരുന്നു. ബ്രൺഹാം തന്റെ ജീവിതത്തിൽ ഈ എല്ലാ കാലയളവിലും ഒരിക്കൽപ്പോലും വചനത്തിന്റെ ജ്ഞാനത്താലുള്ള അറിവിൽ തെറ്റു വരുത്തിയിട്ടില്ല, എന്റെ കാര്യത്തിലും, ആയിരം തവണകളിൽ, അത് അടങ്ങിയിരിക്കുന്നു.”
ഏഴു വർഷം ബ്രൺഹാമിന്റെ മീറ്റിംഗുകളെ നടത്തിയിരുന്ന മാനേജർ, സുവിശേഷകൻ, മത്രമല്ല ബ്രിട്ടീഷ് ന്യൂ ചർച്ചു മൂവ്മെന്റിന്റെ ആദ്യകാല നായകന്മാരിൽ ഒരാളായ, ഏൺ ബാക്സ്റ്റർ.
യേശു ക്രിസ്തു ഈ ഭൂമിയിൽ നടന്നിരുന്നതിനു ശേഷം ഇത്രയേറെ അസാമാന്യ ഉൾക്കാഴ്ചയോടെ ലോകത്തെ സ്വാധീനിച്ച മറ്റൊരു വ്യക്തിയുമില്ല. കെന്റുക്കുയിലെ ഒരു മുറി മാത്രമുള്ള ഒരു കുടിലിൽ നിന്നും ഒരു എളീയ രീതിയിൽ തുടങ്ങി, ടേക്സാസിലുള്ള അമറില്ലോ വരെ, അവിടെയാണ് കർത്താവ് അദ്ദേഹത്തിന് താമസിക്കാൻ വീടു നൽകിയത്, അദ്ദേഹത്തിന്റെ ജീവിതം തുടർച്ചയായും എടുത്തു പറയപ്പെടാനാകുന്ന അലൌകീകമായ സംഭവങ്ങളാൽ നിറഞ്ഞിരുന്നു. 1946-ൽ കർത്താവിന്റെ ദൂതനാൽ ലഭിച്ച നിർദ്ദേശപ്രകാരം, ബ്രദർ ബ്രൺഹാമിന്റെ മിനിസ്ട്രി ആ കാലയളവിൽ മഹത്തായ രോഗസൌഖ്യ ഉണർവ്വുകളാൽ അമേരിക്കയിലെമ്പാടും മത്രമല്ല ലോകത്തെമ്പാടും ഒരു തീപ്പൊരി തന്നെ ഉളവാക്കി. ഇന്നുവരേയും, പെന്തെക്കോസ്തിലേയ്ക്ക് 1950-കളിൽ രോഗസൌഖ്യ ഉണർവ്വു യോഗങ്ങളെ കൈമാറിയ “പിതാവ് എന്നോ കാൽവെപ്പുകാരൻ,” എന്നൊക്കെ ക്രിസ്ത്യൻ ചരിത്രകാരന്മാരാൽ അംഗീകരിക്കപ്പെട്ടിരുന്നു, അതെ തുടർന്നു സഭയിൽ കരസ്മാറ്റിക് മൂവ്മെന്റിന്റെ തുടക്കമിടപ്പെട്ടു, അത് ഇന്നു ഏകദേശം എല്ലാ പെന്തെക്കോസ്തു വിഭാഗീയ സഭകളേയും സ്വാധീനിച്ചിരിക്കുന്നു. എന്നിരിക്കിലും, ശരിയായി രൂപപ്പെടേണ്ടതിന്നു വിഭാഗീയ സഭകൾ അദ്ദേഹത്തിന്റെ ഉപദേശങ്ങളെ മുഖവില ക്കെടുക്കാതെ അദ്ദേഹത്താൽ ചെയ്യാനേല്പിച്ച പ്രവൃത്തിയെ തള്ളിക്കളയുന്നു.
എവിടെയെല്ലാം അദ്ദേഹം പോയിരുന്നോ, ബ്രദർ ബ്രൺഹാം ഈ തലമുറയുടെ പ്രവാചകനാണെന്ന് ദൈവം തെളിയിച്ചു. ഈയ്യേബിനെപ്പോലെ, അദ്ദേഹത്തോടു ദൈവം ചുഴലിക്കാറ്റിൽ സംസാരിച്ചു. മോശെയെപ്പോലെ, അദ്ദേഹത്തെ അഗ്നിസ്തംഭം നടത്തുന്നതായി കാണാം. മീഖായെപ്പോലെ, അദ്ദേഹം പുരോഹിത വർഗ്ഗത്താൽ നിന്ദിക്കപ്പെട്ടു. ഏലീയാവിനെപ്പോലെ, അദ്ദേഹം വനാന്തരം ഇഷ്ടപ്പെട്ടിരുന്ന ഒരു മനുഷ്യനായിരുന്നു. യിരമ്യാവിനെ പ്പോലെ, അദ്ദേഹം ഒരു ദൂതനാൽ ഒരു പ്രത്യേക ജോലിക്കായി നിയോഗിക്കപ്പെട്ടു. ദാനീയേലിനെപ്പോലെ, അദ്ദേഹം ഭാവിയെക്കുറിച്ച് ദർശനം കണ്ടു. കർത്താവായ യേശുവിനെപ്പോലെ, അദ്ദേഹത്തിന് ഹൃദയരഹസ്യങ്ങളെ അറിയാനായി. പൌലൊസിനെപ്പോലെ, അദ്ദേഹം രോഗികളെ സൌഖ്യമാക്കി.
കർത്താവ് വീണ്ടും തന്റെ ജനങ്ങളെ ഒരു പ്രവാചകനിലൂടെ സന്ദർശിച്ചു. ചരിത്രത്തിന്റെ ഏറ്റവും ഇരുണ്ടതായ ഈ കാലത്ത്, ഒരിക്കലും ആകാതിരിക്കാത്ത വിധം സദാചാരം അതിന്റെ ആഴങ്ങളിലേയ്ക്ക് വീണിരിക്കുകയും, മനുഷ്യ ദൃഷ്ടിക്കപ്പുറം ആകാശത്തിനും ഭൂമിക്കും മദ്ധ്യേ വളരെയേറെ പേരെ കൊന്നൊടുക്കാനാവുന്ന വിധത്തിലുള്ള ആയുധങ്ങൾ ഒരിക്കൽപ്പോലും വെയ്ക്കപ്പെട്ടിരുന്നതു കണ്ടിട്ടില്ലാത്ത സമയം, മരിച്ചുകൊണ്ടിരിക്കുന്ന ഒരു ജനതയെ മാനസാന്തരത്തിലേയ്ക്കു വിളിക്കാൻ ദൈവ സന്നിധിയിൽ നിന്നും ഒരു എളിയ മനുഷ്യൻ അയക്കപ്പെട്ടിരിക്കുന്നു.
പ്രീയ അപ്പോസ്തലനായ യോഹന്നാൻ കർത്താവായ യേശുവിനെ ക്കുറിച്ച് എഴുതിയിരിക്കുന്നത്:
യേശു ചെയ്തത് മറ്റു പലതും ഉണ്ട്; അതു ഓരോന്നായി എഴുതിയാൽ എഴുതിയ പുസ്തകങ്ങൾ ലോകത്തിൽ തന്നെയും ഒതുങ്ങുകയില്ല എന്നു ഞാൻ നിരൂപിക്കുന്നു. ആമേൻ. (യോഹ. 21:25).
അതേ കാര്യം തന്നെ ബ്രദർ ബ്രൺഹാമിന്റെ ജീവിതത്തിൽ നടന്നതും എന്നു തന്നെ പറയാം. ഈ ധൈര്യശാലിയായ മനുഷ്യന്റെ 1,200-ൽപ്പരം ടേപ്പു ചെയ്യപ്പെട്ട സന്ദേശങ്ങളും ആയിരക്കണക്കിനു ജീവിതകഥകളുമുണ്ട്. എന്നിട്ടും ദശലക്ഷക്കണക്കിനു ജനങ്ങളുടെ ജീവിതത്തിൽ അദ്ദേഹം മുഖാന്തരം ഉണ്ടാകുന്ന പുതിയ സാക്ഷ്യങ്ങളെപ്പറ്റിയും തുടർച്ചയായി നാം കേട്ടുകൊണ്ടിക്കുന്നു. ഈ ദൈവമനുഷ്യനാൽ ലോകത്തിൽ ഉളവാക്കപ്പെട്ട സ്വാധീനത്തിലെ, അതിന്റെ പ്രതലത്തിലെ ഒരു പോറൽ മാത്രമാണ് ഈ പുസ്തകം.