Byônsò byakabangila mu tukuna twa Kentucky. Yêyè ucivwa anu mwânà mutekete pavwa tatwěndè munyeeme dikwaciibwa dya kudi mbulamatadi ne mumwangeeje famiye wende baye ku Jeffersonville, Indiana. Udi ulonda bwa bikeena-kumona byende bya ku ntwadijilu ne mvwakamwambila Mukalenge bwa kwikalaye ne nsòmbelu mukezuke. Kulwa kuselaye munanga wende ne ukaavwa ne nsòmbelu wa disanka bu mwambi wa kânàkânà ne mudimu mushindame ne bânà babidi, kadi pashiishe bwalu bwa dibungama e kulwa kudikuma. Kwakwikala wa mwomumwe paanyima paa wêwè mumane kuteeleja mwikala Rév. William Branham mulonde bwalu bwa nsòmbelu wende ebu to.

Bukwǎntèndeleelu bwa cyena leelu mbutulongeshe ne kwikala mwena Kilisto nkushaala mwena ekeleeziya kampanda. Mu bushuwa bwa bwalu, mangumba adi akosolola bantu mu tusumbusumbu ne tusumbu, bwikale bututeeka mu dilwishangana aba ne aba. Lupandu ludi mwa kupeciibwa anu mu Kilisto; kalwena mwa kupeciibwa anu naka ku dilwa cidimba cya dingumba kampanda nansha. Twêtù “beena Kilisto” tukaadi bateeke twitabaayi ne bilele biswika pa mwaba wa malanda a sungasunga ne Mukalenge Yesu Kilisto anyi? Dîbà dyǎkùmbanyi dya kwalukila ku Bible.

Eci ke cidi ciibûngì cya bantu cidyelela meeji ne ncyakenzeka mu Budimu bwa Edena: Nzambi wakambila Adama ne Eva bwa ne kabavwa ne cya kudya cimuma kampanda. Nyoka “wakashima” Eva ne kumufikisha ku didya dya cimuma aci. Pashiishe Eva kucipeeshaye Adama, ne yêyè kwenza pende cintu cimwecimwe aci, ke cyôcì aci kubafikisha ku dimanya ne bavwa butaka ne kufikisha bukwabantu ku didishinda. Nkonko idi mimweke patooke nyôyì eyi: Nnyoka wa mushindu kaayi udi mwa kwakula, bwa cinyi didya dya cimuma aci dyakabakangula mêsù ku butaka, ne bwa cinyi badi bapeta dyakamwe bânà paanyima paa cyôcì eci? Dyandamuna ndipeepele, ne diyiisha edi didi dicyumvwija.

Mêmè’s ndi mutwishiibwe mu dinda emu ne, bantu bândì ngambila maalu aa aba, mbakaadi bafike too ne pa kiine kaaba aku. Mêmè mwine ewu, nkaadi mupafike, misangu ne misangu. Pâmvwà ngaluja meeji paanyima ntangilula nsòmbelu wanyi, ntonkola dibwe ne dibwe dyônsò, nsangana ne ndi mwenze cintu kampanda cibi, mvwa nya nkacitonda mwikale ngamba ne: “Mukalenge Nzambi, nêncìlongòlòlè,” paanyi kuya kenza nanku awu. Pashiishe ngalukila cyakabidi ngamba ne: “Mpindyewu, Mukalenge, Wêwè’s ke Nzambi; Wêwè neungandamune. Ncya bushuwa ne ngăkùmbaji dilomba dyônsò dyûvwà mundombe bwa kukumbaja. Nenku mushìngà wônsò, ngăwùkùmbaji.” Nenku Yêyè kayi muswe anu kunyunga to, byenze bu ne mmushaale anu kacya wapuwa, ke mwaba awu ûdì ne cya kutwishiibwa ne Yêyè udi Nzambi. Kutekeci mu maboko to…

Kukaadi bidimu binunu bibidi, Yesu Kilisto wakafila mwoyi Wende bwa muntu yônsò ukaadiku mwendele pa kabulunga Buloba aka. Dituku adi ku Kalvariyo dyakumvwija cinyi bwa muntu ne muntu wa kutudi? Dyakatupa bônsò mpunga wa kupeta Mwoyi wa Cyendeleele. Piikala mwoyi webe mwikale ujinga bikole bwa kupeta malanda a sungasunga ne Musungidi webe, nenku kaaba kîmpè kaa wêwè kubangila nkôkò aka.

Mudimu mutuma naawu William Branham kudi Nzambi wakafila kantolantola kaa ditabuluja dya buloba bujima dya dyondopa dya ndekeelu wa bidimu bya 1940 ne bya 1950. Batangadiki bu mudi Oral Roberts, T.L. Osborn, ne Jack Coe baakamulonda mu dikàsà ne baakashintulula mmwenekelu wa bwena Kilisto pa buloba. Mushindu ewu ke wakabangabi.