Eyo, twêtu tudi twitabuuja ne mwetu mwônsò ne Yesu Kilisto umweumwe wâkenza bishima kukaadi bidimu binunu bibidi awu udi ne bukole bwa kwenza cintu cimwecimwe aci leelu ewu. Swaku ǔjè dibeji didi kwinshi edi pawikala muswe bwa twêtù kudisanga neebe mu disambila. Tudi tukulomba bwa watutuminaku bujaadiki bwebe piikala Mukalenge mwandamune.
Maako 16.17-18
Ne bimanyinu ebi nebifile badi biitabuuja; Mu dînà dyanyi nebiipate badémons; nebaakule myakulu mipyamipya; Nebakwate nyoka ne byanza; ne bôbò banwe cintu cidi cishipangana, kacyakubenzela bwalu to; nebatentekele babeedi byanza, ne babeedi nebasangale.
Yone 14.12-14
Bulelela, bulelela, ndi nnwambila ne: Ewu udi ungitabuuja mêmè, byenzedi bîndì ngenza yêyè neàbyěnzè pende; ne yêyè neěnzè byenzedi binene bipite ebi; bwalu ndi nya kudi Taatu. Ne cyônsò cinwalomba mu dînà dyanyi, mêmè nêncyěnzè, bwa Taatu wamona mwa kutumbishiibwa mu Mwânà. Nwênù balombe cintu kana cyônsò mu dînà dyanyi, mêmè nêncyěnzè.
1 Peetelo 2.24
Yêyè mwine wakatwambwila mpekaatu yetu mu mubidi wende yêyè ku muci, bwa ne, twêtù, biikale bafwe ku mpekaatu, twikale ne mwoyi ku bwakane: yêyè mwena ku mibundabunda kunwakondopiibwa.