Psalmowo 96:13
Le YEHOWA ŋku me: elabena egbɔna, ʋɔnu drɔ̃ ge anyigba: adrɔ̃ ʋɔnu xexeame ɖe dzɔdzɔenyenye nu, kple dukɔwo ɖe eƒe nyateƒe nu.
Kɔmahatsɔŋkɔwo vovovo akpe nanewo le xexeame egbe. Subɔsubɔ ɖesiaɖe bua fɔ nɔvia, gake wo katã le ɖeɖekpɔkpɔ ƒe ŋugbe dom to woa ŋutɔwo ƒe Kɔmahatsɔŋkɔ la dzi. Alekee míanya esi míatia la mahã?
Ne míetia Katoliko hamea la, ekema ɖe míelɔ̃ ɖe amekɔkɔewo ƒe nyaxɔxɔɖeakɔ dzi, nusi gasɔ kpakple gbedodoɖa na trɔ̃wo. Biblia gblɔ bena, “Elabena Mawu ɖekae, kple avulela ɖeka si le Mawu kple amewo dome, si nye ame Kristo Yesu koe li;” (I Tim 2:5). Woyɔa nunɔla be “Fofo” nusi ŋuti Yesu de se le le Mat 23:9: “Eye migayɔ amea ɖeke be mia fofo le anyigbadzi o : elabena ame ɖekae nye mia fofo, eyae le dziƒo.” Mawu ƒe Ƒuƒoƒeawo gblɔna na mí bena aɖe yeyewoe nye Gbɔgbɔ Kɔkɔe ƒe kpeɖodzi gbãtɔ, gake Paulo gblɔ bena, “Nenye ɖe metsɔ amewo kple mawudɔlawo ƒe gbegbɔgblɔwo ƒoa nu, ke lɔlɔ̃ mele asinye o la, anye ne mele abe ayawagba, si ɖina alo abe gaƒoƒo, si ɖina la ene.” (I Cor 13:1)
Kɔmahatsɔŋkɔ ɖesiaɖe kloe la gblɔna na mí bla bena, nu geɖewo le Biblia me si gɔme womeɖe nyuie o; nusiwo bu le gbegɔmeɖeɖe me, alo esiwo ŋudɔwɔwɔ meli na egbe xexeame o. Ekema, ɖe wòle na mí be míaxɔ Biblia dzi ase loo alo Kɔmahatsɔŋkɔwo ƒe nufiafiawo dzi asea? Nuka dzi Mawu atu ɖo hena ʋɔnudɔdrɔ̃?
Ne mebia Katolikotɔa ɖe se le afisia fiẽ sia be, “Nuka nesusu be Mawu atsɔ drɔ̃ ʋɔnu xexeame mahã la Katolikotɔ la agblɔ bena, “kpakple Katoliko hame lae.” Esɔ gbe, azɔ Katoliko Hame ka wòanye? Azɔ Roma tɔ la li, Helatɔwo ƒe Ha xoxoa hã li, eye geɖe bubuwo fũ hã gali. Ke Katoliko Hame kae wòanye? Luterianwo gblɔna be, “To mía dzie,” ekema mi Baptistetɔwo ya miele eme o. Eye ne míagblɔ bena, “To Baptiste dzie la,” ekema Pentekosteawo ya mele eme o. Ale tɔtɔtɔtɔ anɔ anyi ale gbegbe, amea ɖeke manya nusi wòawɔ o; eyata Medo ŋugbe gbeɖe kpɔ be Yeadrɔ̃ ʋɔnu xexeame to hame la dzi o.
Edo ŋugbe be yeadrɔ̃ ʋɔnu xexeame to Kristo dzi, ke Kristo enye Nya la. Eye Bibliae nye nusi adrɔ̃ ʋɔnu xexeame, si nye Yesu Kristo eyama ke etsɔ, egbe, yi ɖe mavɔmavɔ me.
Kpukpuiwo
Yohanes 1:1
Le gɔmedzedzea me Nya la li, eye Nya la li kple Mawu, eye Nya lae nye Mawu.
Yohanes 1:14
Eye Nya la trɔ zu ŋutilã, eye wònɔ anyi le mía dome (eye míekpɔ eƒe ŋutikɔkɔe, abe tenuvi si wodzi tso Fofoa gbɔ la ƒe ŋutikɔkɔe ene,) eye amenuveve kple nyateƒe yɔe fũ.
Yohanes 5:22
Elabena Fofo la medrɔ̃a ʋɔnu amea ɖeke o, ke boŋ etsɔ ʋɔnudɔdrɔ̃ la katã de asi na Via:
Yohanes 12:48
Amesi le gbeyem, eye mexɔ nye nyawo o la, ekpɔ amesi le ʋɔnu drɔ̃mi: nya si megblɔ la, eya ke ladrɔ̃ ʋɔnui le nuwuwu ŋkeke la dzi.
Efesotɔwo 1:5-7
Esi wòtsɔ lɔlɔ̃ ɖo mí ɖi hena vinyenye to Yesu Kristo dzi na eɖokui, le eƒe lɔlɔ̃nu ƒe ŋudzedze la nu,
Bene woakafu eƒe amenuveve ƒe ŋutikɔkɔe, esi wòtsɔ ve mía nu le lɔlɔ̃vi la me.
Amesi me míekpɔ fexexeɖeta la le to eƒe ʋu la me, si nye vodadawo ƒe tsɔtsɔke, le eƒe amenuveve ƒe agbɔsɔsɔ geɖe la nu;
Efesotɔwo 2:5-8
Egbɔ agbe mí amesiwo nye amekukuwo le dzidadawo me la, kple Kristo, (amenuveve wotsɔ ɖe mí;)
Eye wòfɔ mí ɖe tsitre kplii, eye wòtsɔ mía kplii ɖo dziƒo nutowo me le Kristo Yesu me:
Bene le ɤeyiɤi siwo gbɔna me la wòaɖe ye ŋutɔ ƒe amenuveve ƒe agbɔsɔsɔ geɖe si ƒo wo katã ta la ɖe go afia le dɔmekɔkɔ si wòkɔ ɖe mía ŋu la me le Kristo Yesu me.
Elabena amenuveve wotsɔ ɖe mi to xɔse me; eye esia la metso mia ŋutɔ mia me o: Mawu ƒe nunanae:
I Yohanes 1:7
Ke ne míele kekeli me zɔm, abe alesi eya ŋutɔ le kekeli me ene la, ekema míedo ƒome kple mía nɔewo, eye Via Yesu Kristo ƒe ʋu la klɔa nuvɔ̃wo katã ɖa le mía ŋuti.
Nyaɖeɖefia 22:18-19
Mele ɖase ɖim na amesiame si le agbalẽ sia me nyagblɔɖinyawo sem bena, Ne amea ɖe tsɔ nane kpe ɖe nya siawo ŋuti la, ekema Mawu atsɔ fuwɔame siwo woŋlɔ ɖe agbalẽ sia me la akpe ɖe eŋuti nɛ:
Eye ne amea ɖe aɖe nane le agbalẽ sia me nyagblɔɖinyawo me la, Mawu aɖe eƒe gome atso agbeti la kple du kɔkɔe siwo woŋlɔ ɖe agbalẽ sia me la me.